|
رد: دردشه حول الكاسيكو ؟
سلام بشكة كيف الحال
حبيت أنضم معاكم للطقة المباركة
أنا اسمي ماجد فلو
ومن المدينة المنورة وأكثر شي أحب أربيه البغبغانات
لأنه قبل 10 سنين كان عند ستي واحد بغبغان (داك اسمو عواد ) عواد هذا جا هدية لستي من الحجاج النيجيرين قبل 35سنة وكنت أنا أحبه وأربعة وعشرين ساعة قدامو بس أراد الله يوم نسافر ونسيبو لحاله وقعد بدون موية وأكل ورجعنا حصلنا طايح على الأرض ويخرج منه شي أخضر (وع )
وبس من داك اليوم وأنا أتمنى بغبغان تاني , بس المشكلة ماعندي فلوس وأبوي مو راضي يعطيني
بس ربنا معايا
دحين ياشباب المشكلة انه الحكومة السعودية منعت استيراد الحيوانات من أي بلاد وأنا أقاربي اللي في نيجيريا كتير , بس وكلمت أبوي قلتله يكلم واحد منهم يرسلي بغبغان صغير في السن ولكن المشكلة البغبغان كبر أبال ماوصل فصرخ وأرعج البيت كلوه وطردوه بس وأعطيتو لواحد تاني
ودحين الجماعة في البلد وجدو واحد صغير جامبو حليوه ويبون يرسلولي اياه بس الحكومة مارضيت فما تعرفو حل لهذه المشكلة ؟
|