|
رد: لمساعدتكم على اصلاح اخطائكم مع الببغاء
شكرا لك عزيزي على الموضوع الممتاز
في البداية انا ببغائي من نوع كاسكو جامبو وهاي صورته
اين انت حاطط ببغائك و في اي مكان
انا اخلي ببغائي برره في الحوش واطلعه من القفص
اكثر وقته يكون برره القفص بس مايتحرك يروح مكان يوقف فوق القفص
كم مرة تجلس مع ببغائك؟؟
اجلس معاه باستمرار بس احسه ماقاعد يستجيب معاي
صار لي شهر ونص تقريبا من شريته
الجعير خف بشكل كلي تقريبا
الا انا قاعد احاول المسه مايخليني
الا اذا اجرب معاه طريقة اني اخلي صوبه مراية مثل ماشرح لنا احد الاعضاء في المنتدى
.ما نوع الطعام الدي تقدمه له
حبوب دخن والفلارس وحب شمسي وكسكبال وفواكه وخضار
ودجاج وسمك وبيض وروتي وخبز وكل شهر فلفله او فلفلتين
زيك انا تماام
هل انت تحب ببغائك وهل هو ايضا يبادلك الشعور.
والله احبه عدل عدل
بس حسيته في الفترة الاخيرة يحبني
اكتشفت هذه الشي اني لما اطلع فيه مع شباب ولمة احسه يرتاح اذا يكون عندي
طبعا مايجي على اليد بس عندي شي اخليه عليه ويوقف عليه بس احسه يرتاح اذا اكون انا مجود الحديدة مو احد ثاني
كيف تروض ببغائك و ما طريقة تعليمك له للكلام. ارجو الاجابة
ابيك تساعدني لاني قاعد اتبع الاساليب اللي في المنتدى وجربتها بس ما ادري هل اللي انا سويته صح والا غلط
لاني كل يوم اقعد اياه والاطفه شوي شوي ويعضني شوي واتقبل منه العضة بعض الاحيان وبعض الاحيان اعطيه طراقات لان عضاني عضة قوية
انتظر منك الرد عشان استفيد
وياريت تعطيني العمر اللي يبدي فيه الكلام
وببغائي حسب كلام الاخ ابو اصيل عمره في حدود السنتين
وعطوني رايكم فيه بعد
|