[koky01010]

صديقى العزيز ..... أيوه عزيز طالما قررت أنم تربى قطه او قط صغير هجوبك على كل شيئ سالت عنه لانى الحمد لله عندى خبره كافيه من السنين فى رعايه القطط
س: لو عملت للقطه مكان معين تنام فيه عبارة عن باسكت او صندوق ممكن تلتزم بيه ولا حتنام فاى حته فالبيت

ج : الأجابه علىالسؤال ده هتعتمد على نوع القطه وسنها بمعنى لو سنها أكبر من شهر ونصف شهرين بالكتير هيبقا صعب أنها تتعود على مكان انت خصصته ليها والنوعيه كمان بمعنى لو قط سيامى أو رومى هو بس اللى هيقرر هينام فين حسب طبيعه حالته أم القط البلدى هتلقيه متعلق بيك أكتر من اللأزم وممكن يشركك فى السرير وفى كل الأحوال لا تقلق القطط نظيفه ولا تدنس مكان نومها مهما كان وبعدين القطط حيوان يحب الحريه فاجعله يأخذ قرار نومه بنفسه ولا تقلق أبداً فهو نظيف جداً .
س: بالنسبه للحمام بتاعها ان قررت انى استخدم لها صندوق فيه رمل و يتغير فهل بيعمل ريحه وحشه و خصوصا انى حاستخدم الرمل العادى المخصص لاعمال البناء[/COLOR]ج : لا يوجد مشكله فى أستخدامك رمل البناء الأصفر ولكن لابد من تنضيف دورى يعنى لو الرمل أتبل لابد وأنك تغيره فى الحال لان القط لا يمكن يقرب منه طول ما هو مبلول أو له ريحه مش كويسه وكمان عندك أختيار تانى أوفر وهو نشاره الخشب النصف ناعمه وده الشوال منه رخيص جداً يعنى مش هيعمل 5 جنيه مثلاً وبرضه هيديك نتيجه حلوه ولو علمته يعمل حمام فى الجريله بتاعت الحمام هيكون أحسن لك وبعد ما يعمل حمام نظف بس بالماء بس فى نفس الوقت عشان محدش يضرر من الريحه وعلى فكره لو هو قط رومى أو شيرازى هيكون لون وريحه التواليت الخاص بيهم نفاذ جداً لكن لو بلدى أو سيامى مش هيكون واضح أوى وخصوصاً لو نظفت الحمام فور أستعمال القط ليه
س: القوة التدميريه للقطه بمعنى ممكن تدمر الاثاث و المفروشات ولا بتكون هاديه
ج : ده كمان حسب تربيتى وتعود القط لكن فى طرق كتير لتلاشى الموضوع ده يعنى ممكن تعمل له عمود خدش وده شكله عباره قاعده وعمود ملفوف بحبل أو بقماش عشان القط يمشط أظافره فيه وممكن أوى أنك تقلم أظافره بشكل دورى ولكن أحظر أنك تعوره وده هيكون أنك تقص الطارف بتاعت الظافر ولا تتعمق للداخل عشان ميتعورش وممكن كمان أنك تستخدم بخاخ ميه ولما تشوفه بيعمل حاجات انت مش حاببها ترش عليه رشه بسيطه هو هيعرف أن ده غلط ومش هيعمل كده تانى وكرر العمليه كل ما تحس أنه أخطاً دون أن تعنفه بالضرب .
س : ممكن تقعد لوحدها فالبيت لمده بسيطه اقصاها 6 ساعات
ج : ممكن جداً بس ديماً سب لها طعام وشراب قبل ما تخرج فى المكان المخصص يعنى قطه جبنه كيرى مقطعه قطع صغيره أو سمك أو لبن وأحرص أنك متغبش عليه كتير عشان ممكن يجوع ويكن الطعام اللى انت سيبته من عوامل الجو فسد فامش هيكله وبكده هيبقا جعان لحد ما أنت تروح وتأكله أكل طازج .
س: بالنسبه للاعتناء بالقطه الوقت الى بتحتاجه فتسريح شعرها الجروميجن يعنى و الجرومينج دا بيبقى كل كام يوم بصراحه انا ممكن اوفرلها ساعتين كل اسبوع للاعتناء بيها و نظافتها فهل كدا كفايا ولا لازم كل يوم انظفها
ج : الوقت ده كفايه أوى لكن لازم تخصص لها يوم عشان الأستحمام وأحرس أنك مدخلش اى نقطه ميه فى أزن القطه وخصوصاً لو كانت صغيره فى السن لانها لو خل فى ودنها مايه ممكن تعمل لها مشكل كبيره أوى وممكن تموت لاقدر الله .
س: القطه دى امها بلدى و ابوها شيرازى مون فيس بس مستوى عالى فشكلها ممكن يكون ايه لانها لسه صغيرة اسبوعين يعنى هل شعرها طويل ولا عادى زى البلدى و طبعها هادى ولا شقيه
ج : أولاً أوعا تأخد قطه عندها أسبوعين لأنها فى الوقت ده لسه بتكون محتاجه أمها ، الوقت المناسب أنك تربيها لما تكون شهر ونصف شهرين وأفتكر شكلها هيكون ظريف وهتكون بتلعب لان ده طبيعه القطط الصغيره أنها بتحب اللعب جداً سواء كانت شيرازى أو بلدى وبالنسبه لشعرها أعتقد أنه هيكون منسوب للأب فى أغلب الأحيان .
س: القطط الاكزوتيك الى شبه الشيرازى البيكى فيس بس شعرها قصير هل موجوده فمصر و تمن القط كام الصغير طبعا
ج : هتلقيها متوفره بس مش كتير وتمنها بيتراوح من 250 الى 350 لو كانت صغيره فى السن حوالى شهرين تقريباً
وبكده أكون جوبت على أسألتك ولو عندك أى سؤال تانى قول وأنا تحت أمرك طالماً سؤالك متعلق بالقطط .
مع تحياتى