|
رد: [ موضوع نقاشي ] أين تضع قططك ومن يهتم بهم
مرحبا
موضوع حلو وخفيف
بالنسبه لي كان عندي وحده روميه لوسييييي
بس هالوحد صارت 9  شيرازيين
يعني بسم الله عليها لوسي جابتلي الدفعه الاولى 3 ذكور وانثى
الذكور ميشو ولوسيان وصوفي والانثى الدلوعه ساندي
طبعا ساندي هي اختنا الصغيره وكل يدلعها وهي عاد ماتقصر كله تتسدح وتتمغط
وبعدين تقبر البي لوسي ولدت وجابت خمسه 2 راحو و3 باقين
المهم
بالنسبه للاكل انا الي ااكلهم طبعا واشتريلهم كل بدايه شهر علب الاكل وكبده دجاج ودجاج عادي
واحط الكبده والدجاج باكياس صغير بالفريزر
والصبح افتحلهم علبتين واروح الدوام
وطبعا لما اجي يكونون شبعانين لان الشغاله الله يجزاها خير تطبخلهم من الدجاج والكبده وتسويلهم اكلات رهيبه
وطبعا الليل علب اكل ودراي فوووووود
اما التسبيح وتنظيف الاذن وقص الاظافر كله علي انا واحيانا تساعدني اختي في التسبيح
انا اسبحهم وهي تنشفهم بالسشوار والله اشيل هم هل اليوم من التعب طابور بسم الله عليهم
اما تنظيف الحمام وانتو بكرامه فانا  بس ياحرام الشغاله تساعدني خاصه لما اكون بالدوام
وطبعا مكان النوم عندي بالسرير
وامي كل يوم لما تجي الفجر تصحيني تلقاني نايمه وسط 7 قطاوه وتعصب علي :d
وبسسس
سلام
__________________
|