[Ghuwara]

أهلا بك يثا صديق الهاسكي ..

أولا .. الهاسكي كلب يحب صاحبة وبس .. ولازم يا خذ الاوامر من صاحبة وبس ..
والهاسكي كلب يا اما هو يكون قائد عليك او انت تكون قائد عليه..
فانت لازم تتعل اشلون تكون قائد عليه ..

اشتري كتاب تدريب ودربه انت بنفسك وشوف اشلون كلبك راح يصير ..

لاسف المدربين قاموا ياخذون الشي مادي .. وفي بعضهم يستعملون العنف علشان الكلب يتدرب بسرعة .. والكلب ممكن يسمع كلامهم لانه هو تحت التهديد ومو حاس في الامان فيقول خل اسمع الكلام لا يأذوني

والمدربين لازم يدربون اصحاب الكلاب اشلون تدرب كلابها مو تدرب الكلاب نفسها .. (هذا هو اساس التدريب الصحيح)

و لازم يمشي كل يوم على الاقل ساعة
وتقضي وقت تدريب معاه على الاقل ربع ساعة وتكرر عملية التدريب لكل ربع ساعة بعدها بساعة ..

يعني لازم يتعب من الجري والمشي .. والاكل .. يعني هو الحين عمرة 9 اشهر يعني ممكن تعطيه وجبتين في اليوم الصبح .. وبالليل .

طلعه البحر خصص لك يوم له تكون فيه معاه .. حاول اذا عندك مشوار سريع وما راح تتأخر فيه بره السيارة اخذه معاك .. بتروح المطعم بتجيب اكل .. البقالة .. تاخذ شي من صاحبك مثلا ..

وراح تشوف كلبك ماكو احسن منه .. لان هذا راح يكون انجازك انت