[Withered Rose]

هلا راعي الشيرازي و حياك الله بتوزوو انشالله تقضي وقت سعيد معانا

مبين على قطك إنه قط منزلي بحت و حرام تفسحله المجال إنه يطلع برا لأن هو ذكر و هناك قطط ذكور و من الطبيعي هناك معارك راح تصير بين القطط ..
القطط الشيرازيه هذا ميزة تميزها (الخمول أو الهدوء و الخوف) ما ارح تقدر تغير فيه شيء إلا بعد وقت طويل اذا قضاه خارج المنزل و تعود على الحياة الصعبه ..

لاكن المشكله الاكل هذا اللي شريته الظاهر مايعجبه وحاولت

انوع له لاكن للاسف ما اعجبه شي

كمل نوع له الأكل لحد ما يرتاح على شي معين و راح يتعود عليه .. الأكل العشوائي المحضر بالبيت قد يكون هو الخطر عليه ..
عندك انواع مخصصه للقطط الشيرازيه للأسف مو موجوده عندنا بالكويت .. اسمها رويال كانن جرب تعطيه اياها

وهو مستمع مع نوع الاكل هذا لاكن انا خايف يظره اللحم ويصير متوحش !!!

بالعكس اللحوم اهيا تغذيه القطط الرئيسيه و اهم شيء لها ..
بس حاول تمنع عنه التون اذا تقدر لأن الزيوت اللي فيها تسبب مشاكل صحيه مستقبلاً .. اذا يحب هالأنواع من الأكل تقدر تخليه على هالحال و تعطيه لحوم مسلوقه و حتى الأسماك اذا كانت طازجة و مسلوقه ما راح تضره مثل التونا ..


تربية موفقة