[glees]

الحمد لله والصلاة والسلام على رسول الله اشكر الله ثم جميع افراد هالمنتدى الرائع
لما قدمووه لنا من معلومات ثمينه ومفيده وانا دخلت هاوي وصرت بفضل الله ثم بفضلكم شبه خبير
وانا اشتريت افريقي جامبو بدون اي معلومة مسبقه ولا اي خلفيه ولا افقه فيها شي بس واحد علمني ان الافريقي احلى واحسن من الغيني (التمنه) ونزلت السوق بهذه المعلومه فقط في تاريخ 13/4/2007نزلت السوق وجلست اتمشى واسعر ولقيت واحد نشيط وعبيط وشراني بقووه وكان عمره على كلام راعي المحل 8شهور وانا اشك في صحة كلامه وبعد ماقريت مواضيع العمر تاكدت بس كان للون عيونه شبه رصاصي يعني ابيض الا دقيقتين يمكن الفرق من ثلاثه الى اربعه اشهر المهم الموضوع خبط لزق يعني بالعربي مسكة غلط واشتريت



المهم اني لقيت هالمنتدى الكبير بأعضائه ومجهوداتهم وحاولت اتبع المواضيع المطروحه والخبرات السابقه وبصراحه اول ثلاثه شهور مو كرهته بس كرهت حتى نفسي من العباطه اللي في مخه وهالثلاثه شهور اعطيته كامل حريته يعني يطير محل مايبغى ويسوي اللي في راسه وفي اول اسبوع من الشهر الرابع قصيت جناحه واشتريت له استناد وبديت في تعليمه والحمد لله من اول اسبوع علمته يطلع على اليد وعلى الكتف



وبعدها صرت احك على راسه وبعدها صرت امسح على جسمه كله



وبصراحه جاني عض كثير وطلع مني دم كثير بس مو مشكله في ظل التقدم الملحوظ وفي اخر رمضان سافرت واعطيته اخوي رجعت لقيته مريض واقرب للموت ولكن الحمد لله اسبوعين من مراجعة الطبيب البيطري رجعت صحته ميه ميه وفي اول الاسبوع هذا نطق كلمة الوو والحمد لله وصار يتمتم باشياء ثانيه غير مفهومه مثل سلالام وغيرها بس لازلت مركز على الوو لحد ماينطقها زين ادري طولت عليكم بس حبيت اشكر الله ثم اشكركم بطرح تجربتي اللي لكم فيها الجزء الاكبر من الفضل يمكن احد يستفيد منها لان بتجرتي وبقراتي لمواضيعكم الجميله وتجاربكم الشخصيه استنتجت الصبر مفتاح الفرج
وشكرا لكم على المرور مقدماً