عرض مشاركة واحدة
قديم 30-10-2007, 01:23 PM   #2
ارشيف الحب
موقوف
هاوي







رد: ... ياليت اللي عندهـ معلومات عن محلات الطيور بالرياض يفيدنا ...

هلا فيك حبيبي قلبي



ياغالي مافيه محل معين يضمن لك الطير

انت اول ماتشتري الطير اشرط على صاحب المحل انك تروح تفحصة عند اقرب طبيب واذا كان فيه مرض ترجعه
وترى سعر الفحص 20 ريال
الفحص شامل الشكل
والأنف
و العيون
والأرجل
والبراز اكرمك الله
والتنفس هل هو طبيعي
يعني شامل

انا انصحك تروح لسوق ام الحمام لكثرة المحلات هناك ولكن مااقدر اوصف لك محل معين

بعدين من ناحية الأسعار معروفه عندهم وهم ماشين على سعر معين شكلهم متفقين مع بعض

الفرخ الأفريقي الرمادي بكل السوق والمحلات تحصله 1100
واذا كان لك عليه او فيه عيب تحصله بأقل يعني من النادر تحصل فرخ افريقي حالته جيدة بأقل من 100 ريال


يعني مستحيل تحصل فرخ افريقي بـ 500 ريال مثلاً لأن كل المحلات متفقين على سعر واحد

وبالنسبة للفرخ التمنة الي يسمى في السوق الكيني او الغيني فسعرها بعد محدد من 350 الى 400 ريال

ولكن اسعار الببغاوات الكبيرة والي تتكلم عاد كل محل وله سعر تبدى من 2000 الى 10000 ريال


وانا انصحك نصيحه اذا شفت فرخ اعجبك ودخل قلبك خذة لو بـ 1200 ريال مع اشتراط الفحص الطبي

وانا اشوف انك ماتركزعلى المحلات انا اشوف انك تروح للحراج شفه خلف سوق ام الحمام مباشرة
ويشتغل يوم الخميس والجمعه
من بعد صلاة العصر الى المغرب

هناك فيه ناس تبيع و الببغاء يتزاودون عليه بالمزاد والمزاد يبدى من 300 ريال وانت وشطارتك

لكن الحراج مافيه شئ اسمه فحص او على الشرط يعني انت وحظك


وبالنسبة للمحلات الراقيه مثل واحة الحيوان او فيفا او قرية الحيوان انا شفت الأسعار للفروخ اقل شئ بـ 4000 ريال ؟؟؟؟

حرام ولله ادفع 4000
ارشيف الحب غير متصل