"
- ماهو شعورك وانت ترى مربع (( لديك رساله )) ..؟؟
قبل كنت افرح واستانس .. الحين عاادي لانه اغلب الرسايل الي توصلني يكون مضمونها .. إستفسار .. شكوى ..ملاحظة ..اعلان ..مساعدة ..ألخ
-هل تعد الرساله الخاصه أمر خاص بك وحدك؟! وسر من اسرارك..؟؟
لاعادي لانه الرسايل الي توصلني مايكون فيها اي خصوصية ..كلها اشياء تخص المنتدى في االاغلب ..
- هل كانت إحدى هذه الرسائل بدايه علاقتك أو صداقتك مع أحد ..؟؟
ايه اكثر من شخص فالمنتدى تعرفت عليه وكانت بدايتنا في الرسايل الخاصه ...
- ماهي احلى رسالة وصلت لك ..؟؟
احلى رساله وصلتني من بوفهد 
كان يباركلي فيها بالاشراف.. وهالشي اسعدني حيل اني اكون مشرفة بهالمنتدى الرائع ^^
- ماهي اطرف رساله وصلت لك ..؟؟
لوول .. قبل كم يوم واحد من الاعضاء الله يستر عليه طرشلي رساله قالي تفاحه ممكن تشتركين في منتداي وبحطج مشرفه..!! قلتله خلاص خل استأذن الاداره قبل وبعدين برد عليك .. كنت امزح الا هو صدق السالفه ..
جان يرد يطرشلي قالي ها استأذنتي من الاداره .. قلتله ايه بس يبونك تحطهم مشرفين بعد ..قال اوكي رسلي لي ايميلاتهم وانا احطهم مشرفين ..ومن يومها مارديت عليه 
- ماهي الرساله التي تحتفظ بها وتعتز بها لحد الان ؟ اعترفوا
اممم بصراحه ماعندي رسالة معينه لانه دوم امسح الرسايل بس احفظ الاغلبية عندي .. والرسايل الي مامسحتها من جهازي ... كانت من من بوفهد ايضا ً ^^
اعتز فيها لانه انظلمت من احد الاعضاء واهوا ماقصر رسل لي وعطاني نصيحة اعتز فيها لليوم ..وللحين كل ماقراها احس اني اتعلم منها شي جديد بسبب اسلوبه الراقي في التعامل مع الاعضاء
- رساله اثارت غضبك ..؟؟
من عضوه الله يستر عليها .. كانت تتكلم معاي بأسلوب مب حلوو وهالشي حز فخاطري وقتها.. بس الحين احس اني تعلمت
- عضو لم تتوقع مراسلته لك ..؟؟
وايد اعضاء ماتوقعت انهم يرسلون لي بيوم ..
حاليا ً ماذكر اساميهم ... يمكن الطاير .. وتاكو ..Lonely hunter مادري الاسبيلنج صح او غلط ..وكلهم الي رسلوا لي كانو يتكلمون عن اشياء تخص المنتدى .. بس خصوصا ً يوم حطوني مشرفة لقيت وايد اعضاء يرسلون لي ويباركون لي وهالشي ماتوقعته بس اسعدني
- ماهي اغرب رساله وصلت لك ..؟؟
اغرب رساله وصلتني من عضوو كاتب "صليتي العصر ولالا"
طبعا العضو كنت اول مره اشوف نكه!! واستغربت من السؤال وكانت الف علامة استفهام على راسي ؟
- رساله صدمتك وأحزنتك ..؟؟
صدمتني؟؟ امم الحمدلله مانصدمت من احد للحين وان شاء الله مانصدم لول
-رسالة عتاب ممن ؟؟ ولماذا ..؟؟
لبعض الاعضاء الله يسامحهم الي يوم يعرفون اني حذفت موضوعهم يغلطون ويسبوني لوووول مع انه مواضيعهم تكون مخالفة
وتسلمين اختي ع الموضوع الحلو لاني
اعتبر الرسايل الخاصه جزء من المنتدى
ولاحظت انه المنتديات الي مافيها رسايل كأنه مافيها روح لوول
لانه هالشي مهم خاصه لوالعضو عنده ملاحظه ولااستفسار..
الافضل انه يكون بالخاص ^_^
بس اتمنى انه بعض الاعضاء مايستغلون هالشي بطريقه غلط..
وبالتوفيق للجميع