أخوي الكريم / هاوي الكاسكو
وعليكم السلام ورحمة الله وبركاته ،،،،
الله يبارك فيك وشهرك مبارك والله يتقبل منك الطاعات ولا يحرمك من اجره ...
وحياك الله معانا وانشاء الله تستفيد وتفيدنا من خلال تجاربك وخبراتك في القريب العاجل فأهلا وسهلا فيك...
بخصوص استفسارك :
اقتباس:
|
ثانيا انا ابشركم شريت ببغاء ثاني ايضا من نفس النوع اللي هو كاسكو لكن اللي شريته مدرب
|
اولا مبروك عليك الطير والف مبروك وتستاهل كل خير وانا اخوك ...
اقتباس:
المهم مهوب هذا موضوعنا الموضوع ومافيه ان الجديد صاير حزين هالايام وما ياكل كثير والقديم صاير شرس وكل ما قربت بوكله او بشيله يعض
وش المشكله ووش الحل
|
يعود السبب في هذا الشيء والله العالم ان الطير الأول صابته الغيره يمكن تستغرب من الكلام ولكن هي الحقيقة يا صاحبي ... فالببغاوات سبحان الله تملك من العاطفة الكثير وتعشق مربيها الأول بكثرة وتتميز بالذكاء وأضافة الى ذلك هي تملك من العقل ما يعادل عقل طفل في الخامسة من عمره سبحان الله ....
ومن المعروف ان الاطفال لما يجي مولود جديد في البيت تلاقي الطفل الاول يغار اشد الغيره على اخوه الصغير وهذا هو الحال في الببغاوات ...
وعلى سبيل المثال :
أنا املك ببغاء افريقي عطاني واحد من الربع الدره حقته لمدة كم يوم اخليها عندي عشان الرجال مشغول في امور دنياه ... الشاهد من الموضوع والمهم ان الببغاء الرمادي حقي تصدق جاته الغيره ولاحظت الشيء هذا فيه لدرجة لما اقرب من الدره يطالع فيني بعين الحسره وده اني اتركها عشان اجيه ولما اتركها تحسه يلعب في القفص يبغاني اشيله هو واترك الدره ....
وهذا استنتاج على ان الببغاوات تغار أيضا فسبحان الله ....
الحل في مثل هذ الأمور :
حاول تعزلهم عن بعض فتره من الوقت الين ما تهدى الامور وبعد كذا شوي شوي حاول تقربهم من بعض ولكن خلهم فترة طويله شوي وعلى سبيل المثال شهر او اسبوعين على الأقل وارضي كلا الطرفين ووزع نفسك عليهم الله يكون في عونك .....
اقتباس:
حاولت اعرف وش السبب بس للاسف مالقيت حتى مره قربت وجهي له اناظر في عيونه ابي اعرض السبب نقرني اشوى اني ابعدت ولا جا لعيني
|
اما النقطه ذي ههههههههههههههه مالقيت لها تعليق غير الضحك 
وحمد الله على سلامتك
عموما:
إنشاء الله قدرت اوصل لك المعلومة بالشكل الصحيح والمعذرة على طولت الكلام
اي استفسار ثاني قول وانشاء الله من عيوني اخدمك ،،،،
مع تمنياتي لك بالتوفيق ،،،،