[الطاير]

وعليكم السلام ورحمة الله وبركاته ...


حياك الله معنى في المنتدى ...




اعتقد من وصفك للببغاء انه ببغاء الدرة .... والله اعلم ...



السعر ...
ما اقدر افيدك فيه لان الاسعار تختلف من مدينه لاخرى ... فكيف بتكون من دولة لاخرى



واما عن انه مايتكلم ... فالصغير في السن عموماً مايتكلم ...
ولو كان ذكر بتكون الفرصة اكبر في انه يتكلم
لاكن في الفتره هذي حطيه في مكان عام عشان يسمع الكلمات ويتعود على الناس ...
والفلفل ... سمعت وبكثرة انا ان الفلفل يخليه يتكلم.. بس ما ادري عن صحة الكلام هذا
والاكل حقة ...... فيه الكثيير من المواضيع تتكلم عن اكل الببغاء ...
بعضها مثبت وبعضها بتلقينه عن طريق البحث في محرك البحث حق المنتدى ...




واما عن الجرح
المفروض محد يشتري طير فيه جرح ... وخاصة اذا كان صغير في السن ...



ممكن الطير ياكل صنف معين ويرفض صنف اخر ...
بس الاكل الي ما اكله اعرضيه عليه مرة اخرى فيما بعد .... يمكن ياكل منه ..
بس ترى سمعت انا ان الخيار مو كويس .. (ضار) لصحه الببغاء



واما عن الريش ... ممكن يكون يمر بفتره تغيير الريش زي ماقلتي ....
وعموماً فيه اسباب كثيرة تؤدي الى تساقط الريش ...
كلها سهل التعامل معها ... بالاساليب العادية كـ تعريض الطائر للشمس الخفيفه - تحميم الطائر - تنويع الغذاء .. الخ
بس لو تبين انه الطير يقوم بنتف ريشة بنفسة فهذي حاجة صعب التعامل معها ((فيها كلام ثاني)) ...
تاكدي انه مايتف ريشه بنفسه ...


نوعي له في الغذاء وحطي له العاب وانشاء الله يطلع له ريش جديد




واما عن خوفه طبيعي لانه جديد ....
بس اذا له اكثر من اسبوع يعني هو طولها
لازم تطلعينه من القفص و تتقربين له بالاكل من يدك والمداعبة والتصفيرات والحاجات هذي ...


واذا كان يطير ... لازم يفقد الخاصيه هذي عن طريق قص الريش الى ان يتعود عليك ولايخاف او يهرب منك ....

واما عن انه دائماً صامت .... فهذا يزيد شكوكي في ان كوكي انثى ....

واما عن انفلونزا الطيور ....
انشاء الله ان مافيه ..... بادور على الاعراض واضيفها فيما بعد




واخيراً ... انا عندي كم سؤوال


ايش نوع الطير ؟؟

انتي عندك خلفيه عن الطيور ومتطلباتها قبل ما اشتريتي الطير او لا .. ؟؟

ايش الاكل (الاساسي) الي دائماً عنده في القفص ??

متى تغيرين له الماء ؟؟

وين موقع القفص بالزبط ؟؟

القفص حق الطير كبير ولا صغير .. ؟؟

هل تطلعينه برى القفص ؟؟






وبالتوفيق ...




الطاير