[الخطيب87]

السلام عليكم و رحمة الله و بركاته

اخوكم ابو حسين الخطيب مقيم بالكويت و هذه اول مشاركه وياكم و ان شاء الله استفيد منكم و تستفيدون مني.

أول شي احب اقولكم ان منتدى الببغاوات رائع و مميز و للأسف ما مداني اشوف كل شي لان اساسا ما يخلص بيوم و ليله و اهنيكم على مجهودكم و تعبكم اللي قاعدين تبذلونه فعلا شي جبار

ثاني شي يا اخوان عندي استفسارين, الأول بخصوص استيراد الطيور من الخارج علما اني سألت اكثر من تاجر و مثل ما تعرفون لعنده معلومه ما يفيد غيره خوفا على شغله لكن السبب الرئيسي لبحثي فهالمجال مو التجاره انما اسعارهم الليي جدا مرتفعه بالكويت و على سبيل المثال سعر المكاو سكارلت نيغارغواي يبدأ من 900 و العمر مو أقل من 5 شهور مع العلم اني وجدته بره بأقل من هالسعر لكن مو محل ثقه للتعامل معاهم فهل أحد يقدر يفيدنا بتاجر خارجي ثقه و اقدر اتعامل وياه؟

السؤال الثاني و الأهم من كل اللي فوق

خبرتي بالكوكاتو جيده و لكن معدومه مع الجالا و يا جماعه زوجتي ذبحتني من شافته هالطير الا تبيه و بالفعل رحت و شريت واحد على اساس ان عمره ما يتعدي 5 شهور ولكن اللي ابي اتأكد منه ... هل فعلا ما يتكلم ؟؟؟؟
و بالنسبة للعمر بعد البحث وجدت انه كل ما كان لون الطير باهت و اطرافه مايله للسواد يعني الطير صغير بالعمر ؟؟؟

يا ريت اصحاب الخبره يفيدونا و شكرا للجميع

أخوكم أبو حسين