[بسبس مياو]

وعليكم السلام

وش صار بالقطوة اللي لقيتها بالشارع وصدتها؟لسه موجودة؟
هي كمان كنت حابسها
اكبر غلط تسويه انك تعزل القطوة عن البيت واهله
القطط اذكى مما تتصور...كلنا بيوتنا فيها درج والقطط لازم تتعود..وصدقني ماراح تأذي نفسها ..القطط تعرف ان المرتفعات تضرها
خليهاطول اليوم تحوس وراقبها خليها تتعود عالبيت وتستكشفه علشان يطخ فضولها وتصير متعودة....لحد يخوفها ويلحقهاعلشان ماتضطرتجري وتطيح او تتعور

اياك تحبسها في بوكس او قفص لان هالشي بيخليها عدوانية وعندهافرط حركة ..نفسية القط تأثر على صحة جسمه...
بعدين شلون تحبسها في بوكس وشلون تروح الحمام
اترك باب غرفتك مفتوح لها...بتلعب. تستكشف ترجع الغرفة

لاتخلي مسألة وجود قطوة بالبيت تسبب ازمة لك ولغيرك...اذا جلست تحبسها تعزلها بالليل وخايف عليها ومحد غيرك متعودة عليه ما اح تقدر تكمل تربيتها لان روتين حياتك كله بيتغير للاسوأ...
بكل بساطة خليها تحوس وتتعلم وتطلع وتنزل

اتذكر اول ماجبت قطوة كنت اخاف عليها تدخل ورا الثلاجة وصارت السالفة مرهقة بالنسبة لي...شوي اقفل المطبخ وساعات احط حواجز عند الثلاجة ..او احبسها بغرفتي ..كان شي مزعج وممل ومتعب (〒︿〒)
لحد ماتعوذت من ابليس وتركتها تحوس ودخلت ورا الثلاجة وتحت الفرن
وحاست البيت كله ...اخر الشي تعودت وصارت هالاماكن ماتشكلاي خوف او خطر...انام وهم يحوسون بكل البيت ويرجعوا بناموا

لاتصعبها وبس حذر اخوانك ازصغار لحد يخوفها او يأذيها..
بس ارفع الادوات الحادة والاسلاك المكشوفة ومواد التنظيف والكيماويات
ومرة ثانية اوعى تحبسها القطط مانخلقت للحبس القطط تحب المساحات الواسعة والحرية والاكتشاف... علشان تحب بيتها الجديد واهله ضروري تعرفه ركن ركن علشان ترتاح نفسيتها

نصيحة صغيرة مهمة...لاتكثر لها دراي فود..اضراره خطيرة ومالها علاج