[بادجي 11]

المشاركة الأصلية كتبت بواسطة فاتـــو

آيه من الجمال ماشاء الله


1- ايش نوع البسّه ؟

دومستيك لونج هير - شيرازي مهجن

2- ايش تأكل بالضبط ؟

لحوم مسلوقه - خضار مسلوق - بروتينات - البان - نوع بالاكل لنتيجة افضل

3- بما أنها انثى .. هل تحتاج لذكر ؟ علماً بأنها كبيره ؟

دامها مو طالبه مو محتاجة

4- كيف اعرف عمرها ؟

من الاسنان

5- اذا هي من قطط الزينه هل قيمتها عاليه ؟ او لا

لا هذي مهجنه مو غالية

6- هل تحتاج الماء بشكل يومي او الحليب كافي ؟

الماء لازم يكون بشكل دائم - الحليب مو ضروري كل يوم

7- فيه نوع محدد من الحليب او اي حليب عادي ؟

الحليب البقري مخفف - او حليب خالي من اللاكتوز

8 - يلزم لها قفص او عادي اتركها بالغرفه ؟

لا وش قفص , اتركها تتجول براحتها بالبيت

9 - ما الروتين اليومي لها ؟

لكل قط روتين خاص على حسب شخصيته لكن الاساسيات متقاربه - موعد وفتره النوم - كمية الاكل - وقت اللعب وهكذا

10 - هل تحتاج تقليم اضافر او لا ؟

اكيد لا - ممكن تجيب لها عمود الخدش والعاب لكن لاتقض اظافرها

ماتحتاج ترويش ماشاء الله واضح انها نظيفه ومهتمه بنفسها م


نصيحة اخيرة و لك حرية قبولها او رفضها :

هذي قطوة كانت بمنتزة ومبين عليها الصحة والنظافه وواضح انها لاقيه رزقها هناك والله يتولاها

اللي ابي اقوله انك بيوم بتحتاج تعقمها او تمنعها من التزاوج تفادي للأعداد الكبيرة

مع انها كانت حرة طليقة مو محتاجه لك من قبل وقادره تدبر امورها

والقرار لك .. موفق .

ششكراً اختــي فاتو .. كفيتي ووفيتي ..

عندي كم شغله بس

اول ما اخذناها من المنتزه واضح انها تايهه وجايعه مررره وبما انها نظيفه ممكن تكون تاهت من صاحبها بنفس اليوم ..

وانا راح اروح كم مره لنفس المنتزه .. ان حصلت راعيها او بخليها عندي .. لاني تعلقت فيها كثير ..
وهي بنفس الشي صادت كم مره لي وجابته تبيني اكل .. وما تنام الا جنبي وكم مره تشوف الباب مفتوح ولا تهرب تبقى جالسه معي والاعبها ..

بالنسبه للذكر انا لاحظت كثير تقلبها .. وسمعت انها اذا تقلبت انها تحتاج ذكر .. تتقلب وتلعق نفسها وتتنظف بعد ..

اذا هي تحتاج ذكر هل اقدر ازاوجها مع اي نوع شيرازي ثاني ؟ ولا لازم من نفس النوع .. ووش افضل نوع ممكن ازاوجها معه ..

وفيه زي الالتهاب خفيف مره خلف الاذن اليسرى .. هل اوديها للبيطري ؟ وبسس

ششـــــــــــــــــــكراً