[AVOCADO]

تختلف جميع الطيور في طريقه النوم
والكاسكو ما هو شرط يدخل راسه عشان ينام
تدخيلة الراس هذا سلوك يستخدمه لظروف معينه
احتمال لما ينام يدخل راسه خلف جناحه اذا كان بردان او اذا كان مريض او اذا كان خايف واحيانا يدخل راسه بدون سبب بس سلوك عادي وفي كلا الاحوال هو لابد ان ينام اذا كان الجو هادي وظلام
زي البشر بالضبط بعضهم يحب ينام ويربط عيونه بقماش وبعضهم يحب ينام وراسه فوق المخده وبعضهم ما يحب المخده وبعضهم يحب ينام بالظلام الدامس وبعضهم يحب ينام بنور سهاري خفيف وبعضهم يحب ينام بانوار الغرفه مضاءه
فهو سلوك طبيعي ما يلزم انه يكون مرهق للشخص او الطير سواء
وانا عندي طيرين بنفس القفص ينامون واحد ينام وراسه خلف جناحه والثاني ينام متعلق على الشبك
وبما انك تقول انه يقوم الصباح مبسوط ويهز راسه معناها انه نام وشبع نوم وهنا تقدر تطمن عليه
لان الطير لو ما نام راح تشوفه الصباح خامل جدا ويتثاوب كثير
وللمعلوميه الطير مو مثلنا ترا يعني تنام زي الاموات
نومهم خفيف ويفزون لاصغر صوت او حركه ويرجع ينام وهذا ايضا طبيعي عندهم
ولا تقلق الله خلقهم كذا
وبالنسبه للمكان الي يوقف عليه وينام انصحك يكون مكان نومه هادي وايضا يكون العصا او المجثم الي يوقف عليها من الخشب حتى يقدر يثبت عليها نفسه
موفق