[Yuna Braska]

صديقي .. رح اعطيك طريقة و انت جربها ما بتخسر شي

اول شي دربها ببيتك ، انك ترمي الكرة وتلعب بالكرة (بعد ما تعطيها امر الثبات) ،

عودها انها ما تركض خلف الكرة الا ان انت عطيتها الامر

يعني عطيها امر الثبات وارمي الكرة ، ان ركضت أنبها بشدة وعيد المرة لحتى تفهم عليك ،

وقتها اعطيها مكافأة ، وبعد ما تتقن هالموضوع انطلق للخطوة التانية...

تحتاج لمساعدة شخص بلخطوة التانية ، انها ان شافت شي يتحرك وحاولت تلحقو ،

تهدئ فوراً بس تسمع الامر منك !

خلي الشخص التاني يربط اي شيء بحبل ، وخليه يتخبى خلف شي ويرمي الحبل امام الكلبة

ويسحبها شوي شوي ، هون انت بدك تعطيها امر الثبات ، ان ثبتت كافئها ، و ان ما ثبتت انبها وعيد الكرة

وكل ما تتعود الكلبة اكتر ، خلي صديقك يزيد من سرعة سحب الشيء المربوط ، بالنهاية بتتعود انها ما تلحق شي

بعدين ابلش بالتدريب خارج البيت ، اربطها بليش طويل وبلا خناقة او طوق شائك لأنهم بيزعجو الكلب

امشي معاها وخلي احد من رفاقك يتخبى ويعمل نفس الشي ، يربط شيء بحبل ويرميه ويحركو ،

وانت بتعيد نفس الاسلوب ، وقتها شوي شوي بس تشوف قطة وتحاول تركض وتعطيها انت امر الثبات رح توقف وما تتحرك ابدن ^_^

بتمنى ما كون أطلت عليك ابداً ، بس هالطريقة مجربة ، جربتها مع كلبي يلي كان يلحق القطط او الاطفال الصغار يلي بيركضو ، وهلا ولا احلى هههههه ، بس يحاول يركض بناديلو ب اسمو بيوقف فوراً ولا بيتحرك ابد


بعتذر عن الاطالة الشديييييييييييييييدة ، هههههه بس حبيت ساعدك
تقبل مروري و ردي