[غندورة]

السلام عليكم
أخ محمد وأخ زيزو شكرا جزيلا على الردود

وأنا صراحة خجلانة جدددددا من الآتي:
نحن نربي حمام ولانربي حمام
أكيد راح تقولو كيف..

شوفو شو القصة:

بابا من عشر سنين أو أكتر أعطاه صديقه زوجين حمام إخوة (ذكر) لاتسألوني ليش لأني مابعرف..يمكن صاحبهم حب يتخلص منهم ...المهم والدي ما عرف وين يحط هالأخوين فقررنا نحطهم عندنا في البلكونة ...البلكونة كبيرة وواسعة واشترينا أقفاص وبيوت ولقو هالأخوة حمامات يتزاوجو فسرقوهم أولاد الجيران.... مو كلهم بس يمكن الأنثى والأقفاص كمان...ماعلينا الله يسامحهم
الحمام قبل هالسرقة كانو متعودين علينا وأصحاب عادي,بس بعد حادثة السرقة خافو من الأولاد وبالتالي خافو منا نحنا وبذلك صرنا خطرين بالنسبة إلهم ,,,وتأخرو المساكين حتى لقو حمامات ليتزاوجو وحاليا صار عندنا تقريبا فوق ال27 حمامة

اللي عاوزة أوصلو إنو البلكونة حاليا فارغة مافيها أقفاص عشان أولاد الجيران ولأن عموما الحمام صار يخاف منا وصارت أعشاشو في شبابيك الجيران ,,أما عن الأكل أهلي عودوهم إنو يرمو الأكل عالأرض ومعهم وعاء ماء نظيف وبعدين يسكرو الباب ويروحو
لأن لو حدا طل من الباب وشافونا الحمامات راح يهربو بلمح البصر (وأكيد بتكون إستنتجت أخي زيزو إني ماراح أقدر أمسك الحمامة وطعميها حبة فلفل)


أنا الحادثة اللي شفتها كانت من شباك غرفتي والحمامة كانت عند شباك الجيران وصح متل ماقلت عمر الزغلول كان قريب لعمر أولاد الحمامة

وياأخ محمد العمري اللي نقر وحاول يقتل الزغلول كانت أنثى مش ذكر ..الذكر كان واقف جنبها كأنو كان عم يحرس الوضع ,,

عموما أنا حاليا لأني بموت بالحيوانات وأكيد الحمام عم حاول معهم خطة التجويع...إني أجوعهم شوي يعني أأخر وقت الوجبة عشان يهجمو عالأكل وينسو إني موجودة ولما يشوفوني يتطمنو ومايخافو مني ,,هي صعبة شوي بس راح أصبر لأنو ماعاجبني الحال أرميلهم الأكل وبعدين أسكر الباب ...مو حلو ياجماعة


هذه هي القصة وآسفة على الإطالة وانشالله ماأكون خيبت أملكم (أكيد عم تقولو: بعد كل هالتفكير والردود ومحاولة البحث عن الأسباب والحلول طلعت ماتربي حمام؟؟؟؟) أنا سؤالي كان مجرد فضول ومعرفة هل هالسلوك طبيعي أو لأ ؟؟


بيكفي طولت عليكم
تحياتي