[Yumi14]

السلام عليكم

انا أول مرة أربى قطة ..هى عندها 3 شهور و اسبوعين و نوعها شيرازى موون فيس

اول امبارح أكلت سمك مخلوط بقطع خبز ... اكلت كتير جداااااااا ... و بعدين لقيتها امبارح الصبح بترجع كتير ...لكن نشاطها عادى جدا ...هى شقية و بتجرى و بتلعب كتير ...كل ده زى ما هو

النهاردة حسيتها سخنة شوية ...أذنها و جسمها حرارتهم أعلى من العادى لكن برده نشاطها عادى ...مفيش خمول و لا حاجة...و مفيش ترجيع و بتاكل عادى

حاولت أديها 1 مللى نوفالجين بالسرنجة ...مردتش تشربه و بخيت معظمه

مش عارفة اللى عندها ده سببه ايه ..و المفروض أديها دوا ايه؟؟