[نايف البرقاوي]

السلام عليكم ورحمة الله وبركاته

اخواني الموضوع واضح من عنوانه انا صابتني قراده
وشريت كاسكو تقريبا له عندي 5 أشهر , كل يوم انا وياه في صولـه وجولـه لكن مع الاسف مافيه طب.

التقدم في الترويض غير ملحوظ يعني جعير وخوف وهروب وارتعاش كنه توه جاي من افريقيا . الحاجه الوحيده اللي نفعت انه توقف عن العض.

الخطوات اللي جربتها معاه :

1- الترويض بالاستاند . ولانفع
2- الترويض بالظلام التخييم . ولانفع
3- بالمنشفه . ولانفع
4- القفازات . يخاف منها خوف مجنون مع ذلك مافيه فايده
5- طريقة المعاقبه . معي مرش ماء اذا صارخ والا سو شي غلط عطيته رشه يهجد والطريقه تنفع بيومه فقط اليوم الثاني نعيد السيره.

حتى انه اليومين الاخيره طقت كبدي منه وطنشته , الطيور اللي جبتها بعده تروضت وراحت الا ذا
للمعلوميه عمر الكاسكو من سنه ونصف الى السنه و9 اشهر .

ولاحد يقولي بيعـه لاني صراحه اشوف اني اغش اللي بيشتريه مني , طير ماراح يتروض واغش غيري مايصلح الكلام هذا.

اخـواني اللي عنـده حل يفيدني لاهنتم , لاني الحين بتخذ معاه نظام تجويع كل 6 ساعات عشرين حبه دوار شمس .

يا انه يتروض والا فقعت وجهه >>مقهوور