افيدونى افادكم الله
السلام عليكم ورحمة الله وبركاته
لو سمحتم يا جماعة الخير انا محتاجه مشورتكم ونصايحكم
عندى دجاجه عمرهاحوالى 10 شهور الا حاجات بسيطه
وبتبيض وحالتها كويسه بس انا نزلت انهرده علشان احطلهم الفطار بتاعهم لقيت الفرخه دى زى متكون اتكعبلت وهى بتجرى لقيتها كانت هتقع فالمهم انا مسكتها لقيت ريش صدرها طاير بس جلدها ابيض ونضيف وبعدين حطيتها على مكان عالى عن باقى الفراخ بحوالى متر قلت اشوفها هتعمل ايه لقيتها قعدت مكانها ومنطتشى ليهم
انا اخدتها عزلتها بعيد عنهم لاءنهم بيدوسوا عليها لما بيجروا بس لما طلعتها بعيد عنهم لقيتها بتتمشى عادى وبتنقر فى الارض الى حد ما تبان طبيعيه ومفيش صوت لنفسها ولا اسهال والاخراج بتاعها لونه بنى وفيه حجات بيضه يعنى تقريبا طبيعى من نوعية الاكل يعنى
انا بصراحه خايفه انها تموت ومش عارفه ايه سبب اللى عندها وكمان البيطرى مش موجود انهرده اجازه
افيدونى افادكم الله
واسفه جدا على الاطاله
__________________
لا اله الا انت سبحانك انى كنت من الظالمين
|