[ولد دار زايد]

العمر دام العين سودة بالكامل والريش كامل بحدود 4-5 أشهر (العمر ممتاز للتدريب) بس يحتاج خبرة لان مناعة الكاسكو ضعيفة جداً وخاصة في الشتاء يمرضون بسرعة

بخصوص الصحة
البراز عزك الله يكون متماسك(الأخضر خطوط الأبيض سائل و البول شفاف)
الأنف نظيف ومافي شخير او صوت يصدر عند التنفس
الريش حول فتحته الإخراج يكون نظيف ما فيه براز عالق(عزك الله)
النشاط و الحيوية وعدم الجلوس أسفل القفص مع نفش الريش
العين تكون بالحالة الطبيعية ما فيها ورم ولا احمرار حواليها وسلامة الأقدام و الأصابع كاملة و الجناح خالي من الكسور و العلل

بخصوص السعر عندنا في الامارات مناسب جدا
حيث أسعار الفروخ عندنا 2400-2600 حسب المواصفات



بخصوص الحجل اهم شي يكون ضيق ومش كبس
في العادة يكون مكتوب مكان المزرعة ورقم القفص
لكن البعض يكون عليه رقم السنة (سنة الميلاد)

ودام بتشتري الطير خلال يومين مر على المحل بكرة وبعدة وشوف صحة ونشاط الطير

اما اذا مساعدة الخبرة الكافية
أنصحك تزيد شوي اذا ميزانيتك تسمح وخذ لك فرخ بلوفرنتد (امازون) مناعتة قوية و اجتماعي وأفضل من ناحية الكلام

أتمنى تحط صور و الخبراء مآ بيقصرون معاك
والمواضيع المثبتة بتفيدك كثير

تحياتي