[zeshto]

السلام عليكم ورحمه الله وبركاته


بعد نجاحي في انتاج طيور الحب والزيبرا والهند والحمدالله صار عندي فضول في انتاج شي جديد الا وهو الكاسيكو لحبي له

حاليا حجزت زوج جاهز للانتاج معاه شهاده فحص وزواج هههههه

طلبت ميدان حديدي بالكامل وبنفس المواصفات اللي قريت عنها وجاري البحث عن القفص ... الاخوه من البحرين انصحوني وين اروح ادور اقفاص مناسبه
بس ابي نصيحه المجربين

أي افضل اخلي الزوج عند باب البيت او فوق السطح للعلم ان المكانين هادئين وسيتم تغطيه القفص
وتهديد الجيران هههههه

ثاني سؤال عن نوعيه الاكل المسموح والممنوع وكميته

هل من الافضل تغطيه ارض القفص بالجرايد او بالرمل ؟

اذا نظفت القفص الطيور بتهجم علي او بتهرب ههههه سؤال مهم لان اذا بيهجمون بيكون صعب التنظيف بدون ما يطيرون خصوصا اذا كانو فوق السطح

حاليا الجو قاعد يبرد فهل ضروري اخلي جهاز تبريد ورطوبه او ماله داعي ؟

شنو افضل المكملات والادويه المناسبه ووين اقدر القاهم بالبحرين


اخر شي شكرا لكم مقدما لان ادري ما بتقصرون معاي

و أي نصائح انا استقبلها
اختكم
zeshto