سلوك القطط بعد الإخصاء
السلام عليكم ورحمة الله وبركاته
لو سمحتم أنا عندي قطين ذكور في البيت واحد ابن التانى وكانت علاقتهم كويسه جدًا ومن حوالى شهر بدأت الخناقات بينهم الاول بسيط وبعدين بشكل عنيف جدًا لدرجة انهم بقالهم اسبوع او اكتر مفصولين كل واحد منهم في أوضة وكل واحد مستني التانى ورا الباب علشان اي فرصة يضربوا بعض لدرجة اني كنت شايلة واحد فيهم علشان اغير اماكنهم فضربني القط التاني مع انه طول عمره كان هادي
ومقدرش طبعا انى امشي حد منهم من البيت عمرهم ما حياخدوا على حد لانهم بيخافوا جدا وكمان التبني صعب جدًا دلوقتي خاصة انهم تزاوج سيامي مع شيرازي وشكلهم شبه الماو وكمان كبار وصعب جدًا اني الاقي حد يتبناهم فقررت اعملهم عملية اخصاء هما الاتنين لان لو لواحد بس ممكن التانى يضربه برضه وعايزة اعرف
هل سلوكهم حيتغير ويرجعوا زي الاول مع بعض تانى ؟
حد جرب انهم يبقوا بيتخانقوا بالشكل ده وبقوا عدوانيين مع بعض كده وعمل اخصاء ؟ وسلوكهم بقي ازاي بعد العملية ؟ وبعد اد ايه اقدر ارجعهم يقعدوا مع بعض ؟
لأن كل اللى قريت عنهم على النت بيتعملهم العملية قبل البلوغ تجنبًا للسلوك العدواني ده
وعايزة اعرف كمان انا الدكتور اللى اعرفه العيادة بتاعته فيها ترميمات فقالي حيجيلي يعملها في البيت وسالته عن التعقيم قال ان الادوات كلها حتبقي معاه - فهل عملها في البيت مع التعقيم حيبقي فيها اي خطر عليهم ؟
|