السلام عليكم جميعاً
أنا عندي قطط صغيرة صار عمرها الحين شهر وأسبوعين
طبعاً بدون أمهم
وعندي كم سؤال :
السؤال الأول: متى أوقف عن تنظيف المؤخرة ؟
في السابق كنت أنظفهم بعد كل رضعة وكنت أشوفهم يتبولون
بس الحين خلاص ما صاروا يتبولون صاروا يعتمدون على نفسهم
أشوفهم يتبولون في الرمل
هل أستمر في تنظيفهم بعد كل رضعة ولا خلاص أتركهم
السؤال الثاني: متى أوقف عنهم الحليب ؟
القطط صاروا الحين ياكلون الأكل المخصص لهم ـ وجبات لصغار القطط ـ أشتريها من البيطري ، عبارة عن سمك مهروس ولين
وأنا أحط لهم مرة في اليوم وجبة وحدة كل صباح .. وباقي الوجبات تكون حليب بالمرضاعة .
السؤال الثالث: ايش الكمية المناسبة من الحليب ؟
القطط الي عندي صاروا يحبون الحليب بشكل كبير جداً لدرجة أنهم يشربون 50مل كل واحد فيهم في بعض المرات .
ومرات يشربون 40 مل ، ومرات 30 مل .
فأيش تنصحوني هل استمر أعطيهم بنفس الكمية ولا أقلله لهم
لأني أخليهم يشربون لما يشبعون
السؤال الرابع: نفخة في بطن القطة ؟
إحدى القطط شفت فيها نفخة في بطنها بس الحمد لله هي في صحة جيدة وشقية جداً ومافيها أي مرض وتحب الأكل وايد أكثر وحدة تشرب حليب
فأيش تنصحوني بخصوص النفخة البسيطة
ولكم كل شكري وتقديري