[إحساس رسام]

المشاركة الأصلية كتبت بواسطة تشآرلي

وعليكم السلام ورحمة الله وبركاته

كل عام وانت بخير وصحه وسلامه

ومبروك عليك الطير ..




طبعا بالاول الطير لم يعرف مربيه .. وحين تعرف على مربيه وكسب محبته .. بعدها يرفض تدخل

شخص اخر بنفس المكانه .. وهذا دليل على وفائه طبعا ..

وصعب جدا تجعله اليف مع الكل ..



حسب تجربتي .. بعض الطيور تكون عضتها قويه ومثل ماذكرت انها مو انتقام او دفاع

تعتبر لديها مداعبه ولكن طبيعتها كذا .. وهذي المواصفات دائما تتوفر لدى الطيور الحاره ومبدعه بالكلام ..

حاول لما عضك الطير بقوه ان تسحب يدك او تقول كلمه تبين له غضبك منه .. او ترجعه للقفص بشكل سريع

لكي يعلم انها عقوبة العض ..

وفي خيار اخر ولكن ماانصح فيه ولكن جربته وجابت فائده

تكتف الطير بالمنشف وتحاول تمسح على راسه وجسمه بشكل مطول

وتفكه من المنشفه .. وتحاول تلعب معاه ولو عضك مره اخرى كرر العمليه ..

هذي طريقه تبين للطير انك انت المسيطر ويلزمه الخضوع لك ..




لو تنزل مقطع فيديو افضل ..




راح تلاخظ الطير يعض جناحه او ارجله وكانه بعراك مع طير اخر .. وهذا طبيعي جداا

وهذا يدل على ملل الطير بالقفص وحاول تطرح له اللعاب بالقفص .. وهذا لا يساعد على قلة صراخه

ولكن يساعد على عدم عض اطراف جسمه ..

لو تلاحظ الطير يتوقف عن هذي الحركات خارج القفص .. ويلزمك قفص عليه استاند مثل هذا



او استاند



وحاول تقص جناحه وتجعله من فتره الى فتره خارج القفص ..

وللعلم : اغلب الفروخ هذي تصرفاتها الين يعدي عمره السنه والنصف ( كثيرة الحركه والمشاغبه )




من ناحية الاظافر تقصها بنفسك او عن طريق البيطري وهيا عمليه سهله جدا وكانك تقص اظافرك

الاهم ماتقصها بكثره لكي ماينزف .. يعني حاول تقص الاطراف يادووب ..

والمنقار يبرد بالمبرد حق الاظافر ولكن يضايق الطير جداا ..

بالتوفيق

- الله يبارك بعمرك يالغالي

- اها

-الله يسمع منك ويارب على قولتك حار ومبدع بإذن الله

-جربتها اليوم وقلتله بصوت عالي ورجعته للقفص .. اعتقد الثانيه ماني مجربها بمشي على نصيحتك

- مدري سار يسويها نادر ان شاء الله في اقرب فرصه

-القفص حلو بس سعره غالي اعتقد مايقل عن 900 ريال !!

-سبحان الله

-على قولتك باخذه للبيطري قريب ان شاء الله

يعطيك الف الف الف عافيه ابو خالد ونورت المشاركة وتسلم الانامل والله ورمضان كريم