[رامـــا]

انا مو خبيرة بالارانب انا توي مبتدأة و ارنبتي تاكل الكراتين و لما دورت عالنت في المواقع العربية و الاجنبية

لقيت ان الارانت تحب تعض الكراتين و تاكلها و تحب تعضعض اي شي و لقيت ان الكراتين ماراح تضرها

بشرط انها ما تاكل بكمية كبيرة و لازم الكرتون يكون نضيف يعني ما عليه كتابة و حبر و لا مكبوب عليه

مواد كيماوية عشان لا يسبب للأرانب تسمم لا سمح الله

و كمان حسب ما قرأت فالعضعضة تساعد ان اسنان الارنب تفضل قصيرة و ما تطول كتير


بس لازم تعطي الارنب نوع من العلف اسمو دريس و بالانجليزي Hay

هادا العلف يساعد في عملية الهضم يحسنها و بالتالي يساعد

على طرد الورق او الكرتون اللي ياكلو الارنب

و كمان ضد الاسهال و ما يسمح بتكون كرات الشعر في بطن

الارنب اذا اكل من الفرو حقو و كمان مفيد لأسنان الارنب

بس الافضل انك تاخدي المجفف لأني قرأت ان الطازج او الرطب يسبب مشاكل معوية و عسر هضم للأرانب







و مرة تانية اقول انا مو خبيرة بالارانب و لسا مبتدأة من اسبوع و المعلومات اللي كتبتها


قرأتها في عدة مواقع و الدريس ان بصراحة لسا ما اشتريتو لأني ماني عارفة فين الاقيه


رحت للمحل اللي اشتريت منو الارنب و رحت لكذا محل حيوانات غيرو و قالو ما عندنا