[Last Rain]

السلام عليكم سالفتي طويله
عندي بلوفرنتد شاريته من سنه و نص تقريبا

اول ما شريتها كان عمرها 4 شهور غر

بعد مرور شهرين شفتها مره تنتفض [ ترتعش ] و تطلع صوت كنه دجاجه تكاكي كن ماسكها كهرب

ما عطيت الموضوع اهتمام لأن ما طول ثواني ولا عاد شفت ذا الحركه مره ثانيه

بعدها بشهر و يمكن أكثر تكررت نفس الحركه

صارت ترجع لها نفس الحركه بس فترات متباعده مره يعني يمكن بالسنه تكررت 4 مرات


بس من شهر صارت شبه يومي تجيها ذا الحركه و تطول مو ثواني و توقف إذا ضميتها بس توقف ربع ساعه و ترجع لها

احيانا تجيها مرتين باليوم

وضعها خوفني [ خفت يكون صرع ]
صورتها فيديو ووديتها للبيطري للفلسطيني إللي بواحة الحيوان بالرياض

وريته الفيديو

سألني كم سؤال
حركتها طبيعيه تلعب و تطير و تكلم طبيعي ؟
قلت ايه شقيه ما شاء الله
قال فيها حكه زايده أوفر ؟
قلت لا حكتها طبيعيه
قال تاكل برازها [ و أنتم بكرامه ]
قلت لا ما تاكله
قال أكلها طبيعي ولا ممتنعه عن الاكل ؟
قلت طبيعي ما شاء الله
قال فيه شي معين بيصير وبعدها تصير معها هذي الحركه ؟
قلت هي مرتين صارت معاها وهي جوا القفص ما أحد جاها
و أحيانا إذا لعبت معها و صرت أدغدغها مع بطنها تصير معها
و احيانا كذا من حالها وهي برا القفص تجيها

لاحظ بالفيديو أنها تبي أشيلها قال هي تمد لك رجلها قلت له أن إذا ضميتها وقفت وما ضميتها عشان أصورها و تشوف
قال هي متعلقه فيك
قلت ايه و بقوووووه لما أطلع من الغرفه إللي انا فيها تبدا تناديني و تصارخ لين أرجع

قال لي هذي حاله نفسيه من كثر ما هي مبسوطه تصير معاها
و عطاني فيتامين يقول للأعصاب

وهو لاحظ اني تعلقها فيني لما جا يمسكها جات لي مع أني لابسه عباتي يعني وشلون بتعرفني
ولاحظ تعلقي بها و خوفي عليها
قال لي اكبر غلط أنو تخلينها تعلق بشخص واحد بالبيت
لأن لو غبتي عنها احتمال تموت من الاكتئاب او تنتحر تمتنع عن الاكل
الصراحه خوفني خصوصا بسافر بالصيف و بتركها عند أخوي الكبير وهي مو متعوده عليه أبد لن من الدوام يجي يتغدا يطلع للأستراحه و يرجع ينام
يعني ما تشوفه إلا وقت الغدا و أحيانا بالليل

الصراحه كلامه ما خش مخي
على ان كل شي طبيعي

معلومات اضافيه عنها
هي أنثى مواليد 2011
لما شريتها كان عمرها 4 شهور يعني تقريبا الان عمرها من سنه و 8 شهور إلى سنتين
تنام طبيعي و تتكلم طبيعي
الامراض إللي جاها سهال 3 مرات
جاها زكام الشتا الماضي و عالجتها
يعني ما جاها مرض شديد الحمد الله ما شاء الله

هذا الفيديو للنفضه إللي تجيها مدته دقيقه و نص و قفت الفيديو وهي ما خلصت ضميتها وقفت
http://www.youtube.com/watch?v=sYWDj...ature=youtu.be


تكفون علموني وش فيها لو أحد مرت عليه ذا الحاله أخاف شي خطير
الدكتور وضح لي وش أعراض الصرع و الحمد الله أطمأنيت أنه مو صرع
انا كنت شاكه مع أن أعرف أن الصرع يلوي رقبته هذي ما تلوي رقبتها
و تتحرك اما الصرع ما يقدر يتحرك
و بعد عطوني حل لما أسافر وش أسوي عشان ما تفقدني
أمي تقول نزليها تحت بحيث ما تشوفك كل الوقت و تحت فيه كاسكو و 3 درر مطوقه تشوفهم و تستانس معاهم
هل ينفع عشان يخف تعلقها فيني

و أخيرا تكفووووووووووووون
أذكرو الله
ما شاء الله