[جوري]

هلا اختي...الله يساعدك على الاختيار

شوفي انا بقول لك ميزه كل واحد وانتي حددي
وطبعا القطاوه هم حتى لو انثي تختلف من نوع الي نوع ثاني
وهم شخصيه الشخص الي تكون عنده فلا تنسين يعني فعده اشياء تاثر

بس بصفه عامه انا عندي ذكر وكمان انثي

يعني الانثي...انظف كثير وخاصه بااستخدام الحمام حريصه انها تغطي كل شي بعدها
وانتي مكرمه..
بس تميل للهدوء خاصه لما يصير عمرها 7 شهور يعني حول البلوغ
ولها مزاج معين مره تحسين تبي تلعب ومره مالها خلق احد يعني ابو المزاج الي عندها
وقت البلوغ حلو انها بس تصارخ وبس ههههههههه يعني مو مزعجه كثير
ويعني كلها اسبوع بالشهر وبس
حلوه لو قلتي اوه اكبرت وصارت ثقيله دم ودي اغيرها...انك تزوجينها وتجيب لك عيال وتستانسين

اما الذكر
راعي طويله ويحب شي اسمه لعب وراعي وناسه عندك وجهك بالعب والحوسه
وهذا احلي شي فيه ...
بس مشكلته ماكو نظافه هذيك الزود...يعني اخر اهتمامه العنايه بنفسه هههههههه خبرك وعلمك
البنات يحبون الدلع والنظافه
يعني تحصلينه وانتي مكرمه يسوي بمكانه صح...بس مايهتم يغطيها اولا عن الريحه
والا يذبحك بريحته
الوضع عنده عادي...مافيه مقياس عنده
ومشكلته اذا بلغ بليه وراعي ترشش بكل زاويه مستانس طويل العمر
ومشكله مع الاهل من الي يقعد وراه وينظف
وبس فيعني الاختيار بيدك حسب نوعه وحسب ظروف منزلك وطبيعتك
طولت عليك بس هذا من خلال تجربتي معهم
والله يوفقك بالاختيار الانسب لك