[الجااارح]

المشاركة الأصلية كتبت بواسطة MLoOoK

السلام عليكم ورحمه الله وبركاته انا والله يا سباب مجمع لي فلوس وقلت خلني اخذ راي الربع
900 ريال وش رايكم وش اشتري انا عندي نيبالي ومامالا عيني ودي اشتري واحد وياليت من جميع المنتدى يعطوني رايهم وخاصته الجارااح من دون زعل وشكرأأ

أخوي الغالي / MLoOoK

أولا : يعطيك الف عافية على الثقة
ثانياً : وإنت مغمض عيونك روح لأقرب سوق طيور عندكم وخذ لك واحد افريقي عمره سته شهور ثمانية وتلقاه بهذا السعر وتلاقي بالراحة شيء طيب وصغير عمره من 6 إلى 8 شهور بهذا السعر حتى ولو زدت عليه 100 اشوف انها ما راح تأثر ...

أنا اللي معاي أخذته وكان السوق شوي غالي بــ 1100 ريال وما كان أليف وبفضل الله ما كمل عندي 4 شهور إلى وولف وتكلم وصار 100%

خلاصة الموضوع :

الإفريقي الإفريقي وبس لا تاخذ غيره هذ نصيحة لك من مجرب وخلك ما شي على قولت المثل :" اسأل مجرب ولا تسأل طبيب "

السبب :
1- سعره معقول .
2- ذكي ومتكلم غير عادي .
3- الدقة في نطق الكلمات .
4- مرغوب والكل يرغبه ويهواه .
5- سهل الترويض .
6- مسلي بدرجة غير عادية .
7- سعره فيه يعني لو مليت منه يوم من الايام راح تلاقي ألف من يشتريه وبالسعر اللي تبغاه .

وغيرها وغيرها ..

أنا آسف لو تطاولت على آراء البعض من الأخوان ولكن هذي وجهت نظري ووجهة نظر الكثير من الاخوان حتى لو شفت الاستفتاء في بعض المواضيع عن ما هو أفضل ببغاء أو أي ببغاء تفضل راح تلاقي الرمادي الإفريقي يتصدر دائماً ..

ختاماً الله يوفقك لشراء ببغاء ترتاح له نفسك ويريحك ويدخلك عالم الببغاء بكل سهولة وارتياح آآآمين