[Arashi]

السلام عليكم ورحمة الله وبركاته


ببغائي الكاسكو (أظن عمره 8 شهور) صار له اسبوعين والريش يتساقط بكثره...مزاجه تعكر فتره ونومه كان اكثر...لكن الحين مزاجه حلو الحمدلله والنوم طبيعي وصار يلعب ويتحرك عادي...البراز الله يعزكم غالبا متماسك ومش كثير (القفص يظل نظيف لعدة أيام)..كمية أكله طبيعيه ويشرب ماي عادي

حالياً انا أنظف قفصه بشكل يومي بسبب الريش فقط
حاولت وانا اداعبه اتأكد من تماسك الريش والحمدلله مافي شي في يدي...لكن اظن هو لما ينظف نفسه ريشه يتساقط

فمب عارفه اذا هو يمر بالمرحله اللي يسمونها القلش ولا شسالفه؟ لأن عندنا كوكاتيله ايضا ريشها يتساقط بكثره هالايام...فإيش الحل؟ بلاعيمنا انسدّت من بلع الريش


هذا قفصه والريش متناثر قبل كم يوم



وهذي صورة قفصه هاليومين



بعض الريش الابيض في جسمه



منقاره يتقشر بعد