[رائد ملكاوي]

المشاركة الأصلية كتبت بواسطة موري *

جزاك الله خير استاذ رائد انا كان عندي موضوع كنت عايزه استشيرك فيه دلوقتي انا وجدت فوق السطح غرفه مقفوله بها شباك الغرفه حوالي 2*3 ممكن اؤجرها من صاحب العقار بس عندي اكتر من سؤال 1/الغرفه دي محتاجه تجهيزات ايه علشان اجيب فيها حمام مع العلم ان الغرفه سيراميك 2/انا بدءت تربيه الحمام لانه طائر جميل بدون اغراض ماديه لكن عايزه اعرف هل في ربح من تربيه الحمام 3/لان الغرفه فوق السطح انا هضطر اني ادخل الحمام المغرب واقفل الشباك لاطمئن من عدم دخول اي قط ازاي بتعرف تجمع الحمام وتدخله جوه الغرفه 4/الغرفه دي ممكن تكفي كام جوز وبالنسبه للانواع اجيب ايه انا قريت كتير عن التربيه وكمان اتعاملت كويس مع الجوز الجبته وبتعامل مع تاجر حمام قريب من البيت بذهب اليه عند وقوع اي مشكله يعني معنديش خبره بس عندي مساعده خارجيه وطبعا حضرتك والمنتدي هنا نعم العون 5/هل الغرفه في الاساس مناسبه مع وجود شباك واحد في الاعلي حوالي متر الا ربع

يطول بعمرك يا رب

وهاد واجبي

انا بنصحك ما تأجريش الغرفة دي، لأنه الانتاج كمبتدئة ما راح يغطي تكاليف اكلهم والايجار بتاع الاوضة دي
لكن بحال انك اجرتيها في اكتر من طريقة للتجهيزات

يا اما تيجيبي ازواج ذكر وانثى ومعروفين لبعض وتتركيهم بالاوضة من غير اي شي باستثناء انك تحطيلهم تنك بتاع الزيت المعدني سعة 14 لتر واكتر ويكون مفتوح من جهة للتعشيش
ووعاء للأكل ومشربية او مشارب (مساقي) وتوفريلهم قش او قطع من سعف النخيل بطول شبر علشان يعملوا فيهم اعشاش

وتسكري عليهم الباب ويفضل يكون من الشبك المعدني للتهوية وبنفس الوقت يمنع دخول القوارض وما تخليهمش يطلعوا ويطيروا خالص احسن ما يهربوا خاصة اذا كانوا انواع غالين

ولما تعوزي تشتري يفضل انك تشتريهم من شخص ثقة وما فيهمش امراض ويكون تحتهم زغاليل او بيض، بمعنى يكون انتاجهم مضمون

وتقدري تعملي لكل جوز قفص ونسميهم حظائر او محاكر والطريقة دي متعبة علشان هتحطي لكل جوز اكله وميته لوحده ودي بتاخد وقت لكن مزتها انه لما يصير مرض يصير بجوز واحد س، وتقدري تتحكمي بتغذيتهم وعلاجهم يعني لا سمح الله بحال المرض ما بتعالجيش الحمام كله
الابعاد اقلشي يكون 75 سم طول 60 سم عرض 50سم ارتفاع ويكون ليه باب

ويفضل تكون ارضيته من الشبك علشان الزرق (البراز) بتاعهم ما يتجمعش عندهم وتحطيلهمطشت قطره 25-30 سم وتحطي فيه رمل للثبات وقش او سعف نخيل للتعشيش

سعة 2*3 توسع 10-15 جوز

بالنسبة للانواع دي بترجعلك وتعتمد على الميزانية وعلى الغرض من التربية

اذا للاكل بلدي او بندوق كنج او بندوق مودينا سعرهم مقبول اوي وانتاجهم كويس وحجمهم كويس

اذا للطيران البلدي، الباكستاني النوري القطيفي القلاب الزاجل المزهور العبسي وغيره انواع كتيرة

اذا للزينة النمساوي الابيض الكشكي البنيدي الفراشة الهزاز الابيض والمساويد الاسود مع صباح يكون ابيض وحجم كبير وعدد الريشات البيض بكل جناح 10 والراس كبيروالمنقار مقلوب والعنق عريض والعيون غليظة والجاكوبين

بالنسبة للفرد اللي بي عندك عادي تقدري تخليه عندك ما في مشكلة وما في داعي تجيبيله فرد تاني علشان انتي متعرفيش جنسه ذكر ولا انثى

وبالتوفيق

واحنا بالخدمة