[كل الدلع]

المشاركة الأصلية كتبت بواسطة جوري محمد

السلام عليكم
اتمنى ان تقرؤوا الموضوع للنهاية
قبل فترة كتبت موضوع بالمنتدى عن مرض فرخ عندي بعدها توفى الفرخ
طبعا صدمه و حزن وغير احساسي بالذنب
لو تركته ولا شريته يمكن يشتريه الا افضل مني ويربيه افضل مني
او يمكن يرجع لامه لو ماشريته وبكذا يكون حياته افضل
صحيح الاعمار بيد الله بس كل شي له سبب
هذا مو اول فرخ يموت عندي مات من قبل عندي بعد فرخ ومن كذا قلت يمكن الخلل مني في التربية

معوضه خير اختي ولازم في الاول نواجه أخطاء الين نتعلم ونعرف نتصرف


الفرخ الاول ( ميمو )
طبعا ميمو كان اول تجربة لي بتربية الكروان جاني هديه
ومنه حبيت وعشقت عالم الكروان
ومسكين كان مثل التجربة لي واكتشفت اغلاط كثيرة بتربيتي له
اعرضة لهوا المكيف
كان اكله الرئيسي السيرلاك لا غير
جاه مرض الزكام + مرض الاسهال ( ديدان ) + مرض التجبن
بعد دخلت الى منتدى تو زوو وكانت البداية من مرض ميمو
عالجته عن الزكام بتدفئته - الاسهال غيرت اكله مع بعض الادوية من البيطري
التجبن ماعرفت انه هذا مرض الا بعد ما مات
كانت اعراضة بقع على جوانب منقارة + مثل التقرحات بداخل فمه + مع سائل دائم موجود بفمه مثل الاكل المهضوم + صعوبة بالتنفس
على كثرة الامراض اللي جت الى ميمو بقى صامد عندي 5 شهور بعدها توفى


الله يعوضك باللي أحسن
طيب يا اختي انتي تقولي كان معاه زكام يعني أكيد من البرد
فعلى اي اساس حكمتي ان الإسهال ديدان
هل الدكتور البيطري أخد مسحه من فضلات الطير وفحصها ام هو مجرد اقتراح ؟؟
اما التجين يا اختي غالبا يكون بسبب الرطوبة الزائدة او عدم نظافة المآكل والمشارب
وينتقل من الانثى المصابه وهي تطعم الفرووخ
ومع تدهور الحاله تظهر في فم الفرووخ على هيئه قطع من الجبن داخل الفم وتصل تدريجيا إلى الحنجرة ثم الحويصله مما لا يتيح للفروخ الوصول إلى الحجم الجيد ، ويكون سبب في اعاقه الفروخ عن البلع والتنفس بالتالي يؤدي للوفاه
ونوع المرض اللي كان عند طيرك النوع البلعومي
طرق الوقائيه من المرض تكمن في توفير النظافة المستمرة والمراقبة الدائمه للطيور ووضع بدل المسقاه مساقيتين لان الطفيل ممكن ينتقل عن طريق الماء بمعنى قدر المستطاع تفادي اسباب التلوث
وبمجرد ملاحظة طير مصاب يتم عزله وان بدأت الترسبات الجبنيه تظهر يتم إزالتها بفرشه ناعمه


الفرخ الثاني ( سنفورة )
سنفورتي اشتريتها بعد ما اتوفى ميمو بشهرين ونصف
وكل الاغلاط اللي ارتكبتها مع ميمو تفاديتها مع سنفورة
تدفئة كانت تنام معي بالغرفة واغطي الكرتون حقها ببطانيه ( ماجاها ابد زكام )
اكل كنت انوع اليها مره بيض بالبقسماط مره اعطيها خبز مبلول بماء مره سيرلاك
مرة اعطيها بقسماط مع اراسكو ( الاراسكو طريقة ابو ريمان ربي يذكره بالخير )
وبدت اتاكل حبوب لوحدها بعدها على طول جاها اسهال حاد لاحظت بروز عضمة الصدر في خلال اسبوع واحد مرضت وماتت بالديدان
قلت ديدان لان جاها ضعف واسهال وهذه اعراضة
اشتريت له كبسولات اسكا بيلا لان الكل يمدحه للديدان بس مانفع وياها بالعكس زاد الطين بله
تحول لون الاسهال من اصفر الى اسود بعدها بيومين ماتت

طيب تنام معاكي هل بدون تكيف او حتى مروحه ؟؟
مؤ شرط البرد يعني زكام انه يجي بس من التكيف
ممكن يبرد الطير ويحبه إسهال والاسهال الحاد ممكن يسوي ضعف وبالتالي بروز عظمة الصدر
وللمره الثانيه على اي اساس حكمتي انها ديدان؟؟ ممكن فيروس او بكتيريا
ويمكن غلطك كان في انك اعطيتي الفرخ دواء للديدان وفي احتمال انه مايكون ديدان
عشان كدا زادت الحاله
ولنفترض انها ديدان كان بالأول عملتي خلطة الثوم والليمون لتطهير الطائر
اللي بوصله لك ان ماينفع نستخدم اي علاج بدون تشخيص مؤكد
عندك اي وصفه عشبيه او منزليه ممكن تؤدي الغرض


عارفة ان فيه خلل في تربيتي وان ميمو كان تجربة و غلطت في طريقة تربيتي لها
بس سنفورة كنت معتنيه فيها لابعد درجة ليش جاها الضعف والاسهال ؟؟
يمكن ما اعرفت اعالجها بس نفسي اعرف مسببات المرض قبل العلاج
الوقاية خير من العلاج
المتعارف عليه ان الزكام سببه البرد >> يعني تدفئة مع ليمون وثوم ويمشي الحال
الاسهال البسيط>> تنظيم في الاكل مع التدفئة ويمشي الحال
طيب الديدان وش سببها ؟؟ كيف اعرف ان المرض ببدايته قبل مايتصعب علاجه ؟؟ ماهو علاجه بالضبط ؟؟
التجبن وش سببه ؟؟ وماهو علاجه ؟؟
كيف طرق الوقاية منهم ؟؟
ياليت اللي عنده اجابة يفيديني ويفيد غيري مانزلت الموضوع لاني ناويه اشتري او اربي فرخ
بالعكس حرمت على روحي وتوبه اني اربي فروخ بنفسي
بس نزلت الموضوع عشان غيري يستفيد ولو مرت هالحالات على احد وش يسوي وقتها
رجاءا رجاءا لا احد يرد ويقول حرام اللي سويته وانتي ماتعرفي وقتلتي الفروخ
نبي حلول يعني اللي يدخل يكتب الشي اللي جربه ويعرفه عن كل مرض يصيب الفروخ
كل واحد يكتب تجربته خلنا نفيد ونستفيد
عذروني على الاطالة وتقبلوا تحياتي

تمت الاجابه بالشي اللي اعرفه ويارب اكون أفدتك ^^