|
رد: استفسارات
حبيت اضيف على كلامكم بخصوص الانتاج وتعب الانثى
من وجهة نظري كل طير يفرق باسلوبه عن طير ثاني
يعني اتوقع في بعض الكروانات عادي عندهم انتاج ورا انتاج
والبعض وقريت هالشي بالمنتدى ان بعض الاناث تموت وهي حاضنه البيض
او تموت وهي حاضنه الفراخ وهذا من تعبها ( الله يبعد الشر عن طيورنا يارب )
في بعض الكروانات ماينزل وزنها وهذا يدل على قوة بنيه عندها
والبعض ينزل مثل اللي حصل معي >> مع العلم اني مو مقصرة معاهم بالتغذية
بس من كثر الحبسة داخل البياضة
وترا اكثر شي في طيوري الذكر يمكن تستغربوا
لان الانثى اللي عندي ماتحبس روحها مثل الذكر
هي تطلع واتاكل وتسبح واحيانا تتواصل ببعض الاصوات مع الكروانات الثانية وبعدها ترجع للبياضة
طبعا بهالوقت الذكر يكون جالس على البيض ( عشان لا احد يقول احتمال فساد البيض عدم جلوس الزوج عليه )
بعكس الذكر دايم بالبياضة واذا طلع للاكل يطلع ثواني سريعه ويرجع
مايطول ابد على الاكل مثل الانثى وهذا الشي خلى نزول الوزن واضح عليه اكثر من الانثى
هذا غير وقوفه على باب البياضة طول الليل
يعني في طيور تستحمل وطيور ماتستحمل
لو هم بالطبيعه سبحان الله بيعرفوا كيف يتحكموا باكلهم بمكان نومهم بطريقة حياتهم كلها بدون اي تعب او حتى يجيهم مرض لين يموتوا
بس مدامهم بالاقفاص احنا مسؤولين عن راحتهم وتاكيلهم وبيكون في ذمتنا صحتهم وحياتهم ونحاول نسوي الشي اللي نشوفه زين لهم
في النهاية اختلاف الرأي لا يفسد للود قضية
تقبلوا تحياتي
|