السلام عليكم
ادري كل يوم والثاني ناطه اليكم باستفسار
الزوج الأول
اشتريت قبل فترة ذكر بالغ لما اشتريته كان معاه بنفس القفص انثى بس طايح ريشها قال لي صاحب المحل الانثى معاها حساسية بس صحتها ممتازه
المهم جبته وكان مثل المجنون تغريد طول اليوم دون توقف ماخف من تغريده الا لما وضعت معاه انثى
وركبت بياضة ولاحضت انهم توالفوا وماشاء الله صاروا يتزاوجوا ويتناوبوا على دخول البياضة واحيانا يدخلوا سوا بس وقت النوم يناموا برا البياضة
بس الذكر عنيف دايم ينتف ريش الانثى بكثرة
وتذكرت الانثى اللي كانت معاه بالمحل يعني مامعاها حساسيه كانت متاذية من الذكر وصاحب المحل شكله مايدري انه من الذكر وطاح في حظي
الانثى حقته كانت تعاني من اسهال وشفت منه بس تأكل بكثرة غير عن بقية الطيور اللي عندي
بس هالايام اشوف فضلاتها شكله غريب مو اسهال
بس ما ادري كيف اوصفه هذه صورته
طبعا الريش هذا ريشها من الذكر المتوحش اللي وياها
وش اسوي مع الذكر شكله طبعه عنيف او عدواني مع الاناث ؟؟
والفضلات هذه ليش شكلها كذا ؟ من وش تعاني الانثى ؟؟
اختي الافضل تضعي صورة لفضلات الانثى على ورق ابيض يعني خلي ورق ابيض بالقفص يوم او يومين وصوريه
بس غالبا يكون معتمد على نوع الاكل
وحابه اعرف منك هل الذكر يأكل الانثى ولا لا
الزوج الثاني
هذا ثاني انتاج للاسف وهذا صورته
الزوج خف وزنهم كثير لانهم ملازمين البياضة لمدة انتاجين ورا بعض تقريبا شهرين الحين شلت البياضة ابيهم على الاقل شهر يرتاحوا وترجع صحتهم مثل قبل
بس حزني اشكالهم لما شلت البياضة دايم يروحوا الى مكانها ويطلعوا اصوات حزينه
اكثر واحد تضرر هو الذكر من الضعف صار مومياء مافيه غير عيونه جحظت من الضعف
اخاف بيوم اجي اشوف بس ريشه يتحرك ههههههه
أحسن شي عملتيه انك خليتهم يرتاحوا خلال فترة الراحه زوديهم بالعسل المذوب في المسقايه
والجرجير والبيض بالبقسماط والقمح المنقوع
بعدها ان ما اتخصب البيض في الانتاج اللي بعده مالك الا تستخدمي فيتامين e هو منشط
ويساعد على تخصيب البيض
هذا هو الذكر ماكان شكله كذا كان كبير وعيونه ماكانت كذا
هل هذا الذكر غير بالغ لذلك البيض يكون غير ملقح ؟؟
واذا كان غير بالغ بقي كم شهر لين يكون جاهز ؟
كيف اخلي جسمهم يرجع زي قبل ؟؟
هل طبيعي ان كل زوج يمر بمرحلة الانتاج ينزل وزنه ؟؟
مؤ انا مستغربه من شكل العيون
لكن شكليا هو بالغ وجاهز
تفدري تخليه زي قبل مثل ماقلت لك تهتمي بالأكل والتنويع فيه
اهم شي لا تكتري من النشويات عشان لاتجيه سمنه
ولا تكتري من الفواكه الخضار عشان لاقدر الله لا يجيه إسهال
خليكي معتدله
صحيح يا اختي الزوج يضعف وقت الحضانه لان اغلب وقته هو على البيض والأكل قليل
وخلطات مافي
الزوج الثالث
هذه الحركات يسويها الزوج ( ذكر وانثى ) ؟ او عادي حركه عاديه حتى بين الذكور او بين الاناث ؟
عادي يا اختي ممكن بين الزوج دليل للألفه
وممكن بين الذكور وهي اغلب من انت تكون بين الإناث
الرجاء اجابتي عن استفساراتي و اعتذر على كثرة اسالتي
تمت الاجابه^^ وعادي خيتو متى ما حبيتي اسألي