|
صعوبة في ترويض ببغاء كاسيكو
السلام عليكم و رحمة الله و بركاتة ،،،
احيي الاعضاء الكرام ،، انا من قريب شريت كاسيكو عمره 9 اشهر ، وانا قليل خبره في تدريب او ترويض هذا الطير الجميل ، و مع كثرة القراءات من منتديات و مواقع و مشاهدة الكثير من مقاطع اليوتيوب حول ترويض الكاسيكو و محاوله مني لتقليد و تطبيق هذي التجارب و التعليمان الا انها فشلت فشلا ذريعاً.
مع العلم ان الكاسيكو الي عندي توه جديد على البيت ما صار له غير 3 ايام فقط ، وهو جباااااااااان جدا على طوول يجعر اذا قربت منه و لا ياخذ مني اكل احسه حاقد علي !! ، حاولت اني اطلعة من القفص و امسح على راسه عضني 75 عضه من فوق القفاز وتعور  غير انه يجعر بشكل مستمر لين ما رجعته للقفص ، قلت بجوعه عشان ياكل مني شلت عنه الاكل من العصر الساعه 4 لين الساعه 9 اليل ولا في فايده !! ( كأن الوقت قصير)  .
ما ادري هل اخليه فتره اطول عشان يتعود على البيت و علي ؟؟ ولا هل فيه خطوات اوليه لتسهيل ترويض هذا العنيد ارجو المساعده  .
تحياتي
|