[تشآرلي]

وعليكم السلام ورحمة الله وبركاته

انا شريت كاسـكو عمره تقريباً 10 اشهـر وهو متـوحش وشـرس

كان يمر بـمرحلـة قلش وتبديل للريش اخـذته للدكتوره واخذت فيتاميـن والحمـد للـه حالتـه افضـل من السابق

حالياً الجعيـر خفيف جداً ..

كان ماياكل قدامـنـا لين بعد 4 ايام .. وبعـد اسبوع بدأ ياكل من يدي بشرط انـه ينـاظر علـي وانا اكل !

راضـي بالتـنويـع في الاكل وبكل شـي يحب يجرب شرط انـه يشوفني اكل انا .. بس للحين مايحب امسـكه يجعـر لكن خفيف مب قوي مره زي اول

مبروك عليك الطير ,, والحمدلله الطير بصحه جيده والوضع جدا ممتاز .. استمر معاه بهذي الطريقه

اسألتـي قريت في منتدى اخر ان الفول السوداني مضر بصحـته وهو يعشـقه حد الجنون .. قللت من الفول وخليـتها كـ مكافأة لـه .. هل الفول السوداني مضر؟

مقدار حبتين باليوم ان شاء الله مافيه ضرر ويفضل يومين بالاسبوع ماتعطيه فول سوداني ..
وللعلم : في اشخاص كانو يعطون الفول السوداني بشكل يومي وبكميات كبيره على مدار ستة اشهر
ولم يصب طيرهم اي مكروه ولكن الاضرار تكون مستقبليه .. وليس بنفس اللحظه .

ثانيـاً .. الكاسـكو دايماً القـاه رافـع رجليـاه وواقف على وحـده ونافش ريـش ويغـمض احيانا ؟ هل الكاسكو مريض علما وديته دكتور وقال صحتـه كويـسـه قبل اسبوع

مسألة انه يوقف على رجل وحده طبيعي ولكن ينفش الريش هنا يجيب القلق .. تابع اكل الطير + هل يوجد اسهال (اكرمكم الله) او لا ؟؟ وقد يكون هذا التصرف ان الجو بااااااارد .

ثالثـاً .. الحيـن .. يحاول ينطـق كلـمات .. شرط لما بخليـه وحده في الغرفـه

يا اما يصـوفر وصفارات .. او يحاول يقول عووووووووو مدري وش فيه او يحاول يفر بالقفـص ويروح يمين ويـسار ...

ولما بكون معـه يسـكت ؟ ليــه

هذي من ابرز صفات الافريقي الرمادي .. الخجل
بهذي الفترات الطير يحاول التعلم لنطق بعض الكلمات وبعد فتره راح ينطقها بشكل صحيح امامك
جميع طيورنا حينا تتدرب علي كلمة جديده او اول مره يقلد النطق يكون التدريب لوحده.
قريب راح تتفاجا بسماع كلمات جديده وبصوت واضح امامك .

رابـعاً .. دايماً مايـحرك جناحـه اليـسار ويـمصر فيـه .. لكن اليمين مايحركـه .. والدكتور قال مافييـه شي

قد صادف الوقت وانت تشوفه يمد جاحه الايسر ولما يمد جناحه الايمن لا تشوفه
لو تلاحظ عند مد جناحه وضمه راح يتحرك الجناح الايمن .. وللتأكيد

اخرج الطير من القفص واجعله يحرك جناحه لو تحرك جناح والثاني لا هنا نقول جناحه مصاب .

خامسـاً ... والاهـم .. ياشبـاب سمعت الفلفل مب زيـن عليـه

فعلا الفلفل قد يؤدي لوفاته .. فالاحسن لا تحطيه فلفل حار ,, والفلفل الكبير (بارد )اخف عليه وبالشهر مره .

طيب بقولكم شـي .. انا لما باكل شيس وبعـطه اغلبـه يرفضـه او مجرد يعض ويرمي فيـه ويفـلس

طيب شـريـت ليـز فورنو بالفلفل الاســود ؟ طعـمة مب حار مره وهو حبـــه كثـير وياكل ويتهاوش عشانـه .. بعطيـه ولا لا ؟

هذي المكونات تحتوى على الزيوت .. عوده على الكرون فلكس فهوا افضل



او بسكوت شاهي غير مملح



الكاسكو طير حساس ونحاول قدر الامكان ننصح بالابتعاد عن الاشياء الي قد تضر صحته .

بالتوفيق