|
ذبحني الكاسكو مدري شبلاه
السلام عليكم ورحمة الله وبركاته اخواني
لو تسمحولي بسؤال هذي اول مشاركة لي الله يحفظكم
عندي كاسكو كل مااجي امسح راسه يعظ القفص وينتف ام الخشبة
تجيه حالة نفسيه صارله اسبوع عندي
اذا صعد على يدي ومسحت عليه على طول يتنرفز وينط
واذا عظني عظته خفيفة .. ومشكلته الثانية ماياكل الا حب شمسي
شلت الحب عنه وحطيتله تشكيلة قمح وذرة وموز مجفف وفول سوداني وانواع ثانية
الحين له يومين مااكل .. وحتى قمت احطله حب شمسي ماياكل .. ماسك زاوية بالغرفة وجالس
جبتله عظمة حبار اكل لقمتين بس منها وبعدها بطل ياكل .. فواكه اعطيه نفس الشي نتفتين
ويكتفي .. اخر شي قام يكسر الريش اللي بجناحه هههههههه
استغفر الله عن جد اول مره اخذ كاسكو وكرهني بحياتي ماغير مقابله وماهو هاضمني ههههه
احس مرات انه مجنون لانه اول اليوم يصعد على يدي ويطلع الحوش معاي .. وحنا بالحوش يفصل
علي يا يعظني ياينحاش مني ويحشر نفسه بزاوية مايبي يرجع .. ومشكلة ثالثه
تكرمون كل مااحطه على يدي لازم ينزل حموله ( براز ) وانتو بكرامه
ومشكلة رابعه البراز دائما معاه شوي موية ومرات يصير ثقيل نفس المخاط تكرمون بس
شكل البراز عادي اخضر متماسك وابيض بس مرات اللون الابيض من الموية يصير شكله زي الخيوط
عطيته مضاد حيوي ونفس الشي ماتغير شي ..
ادري طولتها عليكم وشكرا لكم
|