[girowok]

السلام عليكم

يعطيكم العافيه شباب

عندي كاسكو هولندي محجل عمره تقريبا خمس شهور

المهم اشتريته قبل ثلاث ايام يعني يوم الخميس

وياكل من يدي من اول يوم جبته

المهم امس فكيت له القفص من فوق وطلع فوقه

وجلست احايله شوي الين سمح لي امسح عليه

يعني يخليني امسح عليه شوي ثم يحاول يبعد واقوله ( عييب مع رفعة صوت شوي )

ويرجع ينزل راسه ويركد وكل ماحاول يعضني سويت نفس الحركه عيب ويرجع ينزل راسه


المهم مالكم بالطويله

لاحظت شي بعد ماخلص لعب معه وكذا

انها يصير يغمض عيونه ونافش ريشه

وهذي صورته



وبعدها بفتره خلاص يرجع طبيعي
يعني مثلا امس العصر لعبت معه وبعدها رجعته للقفص
ورحت وخليته فتره ورجعت له وهو طبيعي
واليوم لعبت معه ومسحت عليه والحين رجع يسوي نفس الحركه


وفيه شغله ثانيه كنت حاط طبيعي باصبعي واكل منه لكن جزء بسيط من العسل انمسح بوجهه تحت عينه ومو راضي يخليني امسحه عن وجهه شلون انظفه ؟

ولا اخليه وهو بينظف نفسه بنفسه ؟

وبرضو شغله ثالثه وش الفيتامينات والغذاء اللي يحتاجه الطير بالوقت هذا

مع العلم ان اعطيه حب شمسي وياكل منه واحسه يحبه كثير

وكذلك التفاح ياكل منه كثير

والذره مايحبها مدري شفيه مع انه بالمحل كنت اشوفه ياكلها

والكمثرى برضو رفض ياكل منها

واليوم اكل عنب احمر وعنب اخضر من يدي

وملاحظه اخييره شفتها وانا جالس اكتب الموضوع



مدري كذا نايم يعني ؟

استمر دقيقتين وهو كذا ثم رجع لحركته اللي بالصوره الاولى

افيدوني الله يعطيكم العافيه