[عبووود أبو عيون سووود]

السلام عليكم و رحمة الله و بركاته
تحية طيبة و بعد ،،،
عندي جوز كناري سوري مكينة إنتاج ( بسم الله ما شاء الله تبارك الله ، اللهم صلي على النبي )
المهم الجوز من كثر ما ينتج صارت الأنثى ضعيفة و هزيلة و صارت الفروخ اللي تطلع بالآخر تصاب بالكساح من شدة نقص الكالسيوم في الأنثى
المهم فصلت بين الأنثى و الذكر بحاجز من باب ترييح الأنثى شوي
رفعت العش و مواد التعشيش من عند الأنثى عشان ما تفكر في شي إسمه إنتاج
برضو ما في فايدة باضت في أرضية القفص و البيضة إنكسرت في وقتها ، مع إن الذكر بعيد عن الأنثى
المهم باعدت بين الذكر و الأنثى و خليت كل فردة في قفص بعيد عن الثاني
برضو يا جماعة الخير باضت مره ثانية و بيضتين كمان
آخر حل سويته حطيت الأنثى مع عيالها البالغين في قفص كبير و الذكر في قفص ثاني صغير في زاية أخرى بعيد عنهم
فصارت الأنثى تسمع تغريد الذكر و تنتف أذناب عياليا تبغى تعشش بالريش ، لدرجة إن الفروخ أصبحت بدون ذيل
الحين أنا تعبت من حكاية قفصين و تنظيف الأكل هنا و تنظيف الأكل هناك و تغيير مويه هنا و تغيير مويه هناك ( وقتي ضيق جدا ً و عملي صعب بالحيل )
هل ممكن أدخل الذكر مع الأنثى و عيالها في القفص الكبير ولا في إشكال و إحتمال يلقحها و تبيض مره ثالثة ؟
أفيدوني جزاكم الله خيرا ً يا أهل الخبرة
ناطركم