[جورجي]

وعليكم السلام والرحمة
الله يعوضك اخوي
اخوي مانوع الاكل اللي استخدمته لغر الفرخ ؟
انا استخدم للغر سيرلاك فروخ اليين تنفطم الفروخ
استخدمت نوعين من هالصورة - العلبة الصفراء اللي غطاء اصفر - والعلبة الزرقاء الي غطاء ابيض

ممتازين ويخلون الفروخ بصحة حلوة .. برضو العلبة الخضراء ممتازة لكن لم يسبق لي استخدامها
العلبة الصغيرة من شركة كيكي .. لكن ماادري ان كانت ممتازة
أخوي بالمرة القادمة استخدم احد هذه الانواع من السيرلاك ..
بالاضافة لاحظت انك كنت حاط الفرخ في زي الطشت بدون نشارة خشب .. كأنه كان يتعرض لتيارات هوائية


من الافضل استخدام صندوق بلاستيكي وفرشه بنشارة الخشب مثل كذا

وتغطي نصف الصندوق بمنشفة مثل كذا

تلاقي مثل هالصناديق في محلات الحيوانات .. تجي احجام متنوعة " بلاستيك وسهلة الغسل والتنظيف
واستخدم نشارة خشب حقت الهامستر .. افضل لانها معقمة ونظيفة عكس نشارة المنجرة " نشارة المنجرة لها روايح

وتطعم الفرخ وجبة دافئة - مو حارة ولاباردة - وتواصل اطعام وتدريب الفرخ لين توصل مرحلة الفطام بسلام