[عاشق طائر]

السلام عليكم ورحمة الله وبركاته

اليوم : حبيت اقدم لطيورى وجبة بيض بالبقسماط

ومن بليل وانا رافع عنهم الآكلات الخاصه بالحبوب

وعملت الوصفه حسب الشرح هنا في المنتدى

نصف بيضه + ملعقة بقسماط + ملعقة حبوب

لكن للآسف عصافيرى كانوا خايفين ينزلوا في ارضية القفص رغم انى كنت موفر لهم الهدوء ...

وبراقبهم من خلف الشباك من فتحه صغيره جدا

انا كان نفسى أوى ياكلوا البيض بالبقسماط عشان عارف انه مفيد ليهم جدا

وكمان الانثى بتدخل البياضه كتير اليومين دول وبشوف نشارة خشب في ارضية القفص ...

يعنى ان شاء الله هتبيض قريب

انا بحط لهم جرجير بياكلوه وكمان خس بياكلوه وتفاح وجوافه بس كنت عايزهم ياكلوا

البيض بالبقسماط وكنت مجوعهم من بليل

اول ما رفعت البيض بالبقسماط من القفص وحطيت ليهم الحبوب جريوا عليها

وفضلوا ياكلوا واول مره يكونوا مش خايفين منى لآنهم كانوا جعانين جدا .

انا قررت انى مش هقدم ليهم البيض بالبقسماط تانى ايه رايكم ؟

وهل لازم أغلى مياه الشرب قبل وضعها للعصافير

لآن انا باخدها من الصنبور للعصافير ...

ونشارة الخشب في أرضية القفص اعمل فيها ايه ؟

لآن انا بنظف ارضية القفص كل يوم من الفضلات ...؟؟

شكرا مقدما

...

صوره