[كل الدلع]

لا عاد تسوي كدا
<~بتخاصم

بالنسبة لفرخك اللي أتدلع كتير
اول شي كويس انه يآكل من الحبوب فخليها له دائماً بالصحن
ومعنى انك تفطمه انك تبطله الابره يعني عادي انت في الاول اكله
لما يصيح يبغى الأكل بلل اصباعك وغمسها في صحن الحبوب اللي بالقفص
وأعطيه يعني خليه بشوفك انك بتاكله من الصحن
هو في الاول يلعب لما يقرصو الجوع بياكل منها
في الجوعه التانيه بلل عيش صامولي قطعه بيدك أوصال وأعطيه وبعدين حطها بصحن في القفص وشيل صحن الحبوب
حتلاقيه راح للصحن واذا شبع وشاف ان صحن الحبوب مافي بيخلي الباقي
وممكن بعد ماتحط العيش في الصحن رش عليه من الحبوب
والمره اللي بعدها اسبق بيضه لمدة 20 دقيقه وقطعها بيدك أوصال صغيره وأعطيه
واذا كنت تغره 3 مرات خليها مره باليوم
او في الاول اعطيه بس لقمتين بالأبهر وكمل بيدك وخيل الباقي بالصحن قدامه
وفي مره من المرارير خلي عنده بس مويا
وخليه لين يجووووووع ويصرخ ويزعق بس مو الين يموت
يعني بس ساعتين او ساعتين ونص
وجيب ورقه خس وأقطعها بيدك ولفها وأعطيه
مره على مره حتلاقيه اكل
بس اهم شي في الليل والنهار وطوووول الوقت تخلي عندة صحن الحبوب الا اذا بتعوده على شي تشيله قبل بوقت

وخلاص وريه العين الحمرا ولا جيب فرخ عليه عشان لا يتدلع
ربي يحفظه لك ويحميه وتشوف فروخ فروخه