[bab-32]

المشاركة الأصلية كتبت بواسطة Ma 3ad fini

تســلم ع الموضوع الجيد..

بس عندي كم سؤال دامك تكلمت عن البلوفرونت..
طبعا اول ببغاء لي متحدث بشكل معروف هو البلوفرونت..

ببغائي عنيد !
مزاجي !
يتحرك كثير وبصحة الحمدالله !

لكـــن !
ماقدرت اخليه يحبني هههههه
هذي المواضيع كثير احصلها !
كيف تخلي الببغاء يحبك ومعظمهم يقولو لبي طلباته ! او اجلس معاه !
طيب جلست معاه اكثر من اهلي ولبيت الحاجات خخخ
ما ولف معي ابدا !
نادرا مايخليني احك على راسه او جسمه !
او مستحيييييييل يجي بروحه ويوقف على يــدي !
وللعلم ! انه مايعض كثير..عضأت دلع بس
ف أريد مساعدتك ويكون حلو لو واحد ينزلنا موضوع خاص للبلوفرونت


السؤال الثاني
هو لسه ماتكلم !
هذا رقم ورموز الحجل فهل من مجيب على عمره؟؟ Ma01j346

ثالثا
كل صباح مثل الحين يطلع فوق القفص ويصاررررخ !
ويتحرك كثير!

حاولت افهم قصده مافهمت !
ف ايش تعتقدوا ف رأيكم؟
يبي يتكلم او ايش بالظبط؟؟

وأسف ع الاطاله..اسئله فبالي كثيره.
تقبل مروري..

__

- اولا شيء .. البلوفرنتد مزاجي .. يعني هو عنيد بطبعه .. وهو يحب الطعام كثيرا .. لذا نوع له بالطعام .. يعني مشمش .. تفاح وغيره من الفواكه .. وبيض مسلوق .. وهالحركات .. عشان يحبك .. وحاول انت تعطيه من يدك + انا ببغائي الفرنتد اللي كان عندي كان يشبه حالة اللي عندك تقريبا بالضبط .. بس مع التدريب واعطيه اكل واكلمه واحمله غصب عنه صار يحبني .. يعني انا اضع اصبعي السبابة تحت قدميه هو رح يعض شوية قوي .. انت احمله وما عليك منه وحاول تبعده عن القفص شوي وهو معاك وحاول ان تمسكه بيد واحدة وانت تمشي شوي شوي واعمل هالحركة كل يوم ويوم عن يوم روح مكان ابعد وابعد عشان يتعود عالبيت وبعدين حطه في مكان بعيد عن قفصه في غرفة اخرى يعني .. واتركه على الارض .. رح يضطر يركب على يدك في هذه الحالة وكرر العملية ..

- ترا لما تحك على راسه .. وهو راضي .. اعرف هذه الحالة وهذه الحالة تصير لما يكون خلاص يبي ينام او نايم يرضى لانه ما له خلق يشيلك .. وهذا يعني انه بدا يتعود .. ويحس بالامان ..

- لا تعمل له حركات مفاجئة .. ممكن تسبب له الخوف ..

- اقرا الموضوع يا عمي .. كيف تقول لي انه يصرخ في الصبح..هم يحبوا التجعير او الصراخ او التصفير في الصباح ..

- بالنسبة للكلام شغل له تصفير امازونيات على اليوتيوب بتشوفه يتفاعل معاها وشوي شوي كلمه وصفر له .. والاثنين جيدين .. بس الافضل التصفير اولا مع اني اعتقد انه يعرف يصفر ..

- بالنسبة للحجل لست خبيرا بهذه الامور

- واهلا بك حبيبي في اي وقت