[7mamah]

اتوقع لازم تيبين جواز من عند البيطري وتخطفينها من الحدود معاج لو مسافرة بالبر

ولو فالطياره نفس الشي خذي جواز وفالمطار تسلمينها لهم ويحطونها معاج فالطياره مع الشحن ومن توصلين تعطينهم ورقه وتاخذينها وطبعا لازم تدفعين حق الشحن على حسب وزنها مع القفص ..


انا اللي اعرفه من الخارج للامارات لازم تاخذين ورقة من هيئة مادري شو اسمها هههه المهم تخص الحيوانات ويكون فيها نوع الحيوان اللي تبين تيبينه لو وافقو عليه علشان وانتي فالخارج تاخذين الحيوان للبيطري ويفحصه ويطعمه ويعطيج جواز على انه صحته زينه وتقدرين تخطفينه فالمطار يكون معاج في نفس الطياره وتدفعين حق الشحن ومن توصلين الامارات تعطينهم ورقة الاذن اللي انتي خذتيها من الامارات وتاخذنه بس ما اعرف لو نفس السالفه بين دول الخليج ..


المهم يا اختي لا تعورين راسج وخليها فالبيت ههههه لانه والله يباله سالفة طويله عريضه .. واحسن لها فالبيت عن مشقة السفر تتعبينها ع الفاضي ..