[ابوفزاع]

انا برد عليك بتجربتي مع طير غير اليف وبنفس عمر طيرك وحجمه ونفس لون الجدار بعد لدرجة يوم فتحت المقطع فعلا شكيت ان المقطع اللي مصوره لطيري اول ماجبته مسرّب ..

عموما

كان بنفس الجعره اللي بالمقطع ... وانزله برا القفص مثل منت مسوي بالمقطع ...

لكن ابيك تنتبه لنقاط مهمه .. اذا قربت يدك لاتبعدها اذا قربت منقاره ... ولاتقربها ايضا بشكل مفاجئ والاخوان في النقطه هذي ماقصروا ونبهوك عليها

قرب يدك عنده من تحت وهو بنفس الوضعيه اللي صورته فيها ... اسفل بطنه وبيكون الجدار وراه .. عادي لو اكلت عضه لاتسحب يدك ... وحتى لو لبست قفاز عدي .. بس خل يطلع على يدك .... وانا افضل بدون قفاز ...

واذا طلع وقف ولايكون جنب شي مرتفع يغري الطير للقفز اليه ... وقرب يدك لصدرك واثبت خل يطمئن.. كررها اسبوع اسبوعين عادي .

وقتها بتلاحظ ن الجعير بيخف عن اول لكن لو قربت يدك الثانيه للمسح عليه او حك راسه بيلتفت زي المجنون وبيبدا يجعر ... عادي .. كلمه بشويش ... وامسح عليه ولاتخاف جمّد قلبك بتاكل عضه عضتين استحمل في سبيل ماستراه لاحقا

وعلى هالمنوال .... مره تمسح عليه ومره تأكله وهو على يدك

شهر ثاني وباذن الله تشوف اللي يسرّك ...

بعدها تدخل مرحلة الجعير داخل القفص ... لانك حتى لو صار يطلع يدك ويسمحلك تمسح عليه خارج القفص فلن يسمحلك من داخل القفص ... كرر مافعلتهه خارج القفص بداخل القفص ايضا عطه اكل وهو داخل ... حاول تحك راسه

وشهر آخر بالكثر يصير طيرك حمامه ... يعني نقول شهرين الى ثلاثه باذن الله تشوف طير آآآآخر


وهذا ماحدث معي وطبقته واستغرق 4 شهور عشان اكون مصداقيه

ولافه تامه معي ومع الغير واناديه وهو بداخل القفص يجيني احك راسه وكلام وكل مايتمناه محب الكاسكو ولله الحمد والفضل اولا واخيرا


اهم نقطه الصبر ولاتجزع من العض

قسم بالله اكلت عض الين دخنت اذاني
يارجال والله ان بعض العضات اللي اكلته كنت اسمع صوت الجلد .. تك تك تك ويجيني صداع من قوة العضه

وبعد وقت ينقلب العض الى لعب ولعق الببغاء لاصبعك وحب لك


اخوك ابوفزاع