[نوديوس]

بعد ما جبت القط الجديد الدكتورة اللى باعتهولى قالتلى أنضف ودنه بجلسرين
يعنى أجيب قطنة و أبلها جلسرين و أمسح بها مرتين فى الأسبوع
هو إستعمال الجلسرين عادى؟؟؟؟؟؟
و تانى يوم بعد ما حميته أخدته لدكتور قاللى إنه عنده فطريات فى ودانه، بس صاحبته قالتلى لأ
و بعدين دلوقتى لقيت فيه منطقة فى ودنه من برة فعلا شكلها فطريات يعنى ما فيهاش شعر و كان فيها قشرة خفيفة كدة ، بس طهرتها و هوديه ليها بكرة تانى تشوفه
الغريبة كنت فى الأول بتضايق لما يبقى عندى قط تعبان و كنت بقرف
بس دلوقتى بقيت عادى شكلى أخدت مناعة
اللى بجد مضايقنى إن أنا جايباه من عيادة دكتورة و هو بتاعها أصلا، بس كان مش نضيف ، و ريحته كانت وحشة جدا يعنى ريحته بيبى، و كان معضم يعنى ممكن نعد عضمه باللمس بس و الله لما إستحمى و نضف و إبتدى ياكل حسيت إنه طيب و غلبان و مش متعود على الناس بس بقى بيحبنى و بحس إنه شايلى جميل إنى بحبه و باخد بالى منه