[control]

المشاركة الأصلية كتبت بواسطة azoz12331

شف سلملك الله انا بعطيك نفس الطريقه للي استخدمها لقططي ..

الاشياء اللي تحتاجها:
شامبو اطفال - منشفه نظيفه بس تكون كبيره مو صغيره - طشت كبير او سطل يكون فيه ماء دافئ - مجفف شعر

الطريقة:
1. دخلها الحمام حطها بالبانيو وسكر باب الحمام لانها راح تهرب اذا كان مفتوح.
2. تجيب الشامبو تحط على يدينك وتفرك جسمها تبدأ من المؤخرة كامل باستثناء الوجه وتحط شوي ماء دافي على جسمها وترجع تفرك مره ثانيه عشان يرغي الشامبو.
3. اشطفها بالماء بكميه كبيره شوي اريحلك ابدأ من المؤخرة الي الرأس واذا حاولت طلعت من البانيو رجعها وامسكها من اكتافها ورح تمشي امورك
4. لفها بالمنشفه زي الطفل الصغير لفها زين ابو 3 دقايق ولا تعرضها للتكييف لانه ممكن تمرض يعني روح غرفه المكيف يكون فيها مغلق .
5. نشفها زين بالمنشفه وجيب الاستشوار وخليه على بعد 20 سم على درجه حراره منخفضه وجففها.
6.جيب 2 مناديل بلها بمويه دافيه وامسح عيونها.
7. جيب فنجال قهوه حط فيه شوي زيت زيتون وجيب قطن اذون وبله بزيت الزيتون ودخله داخل اذنه ونظف طبعا تجيها من الخلف وتفتح اذنها وتدخل عود الاذن لحد ما يصك بالنهايه لا تخاف ما راح يعورها وتكرر اعمليه لحد ما تشوف انه الاذن صارت نظيفه وتجب منديل وتبل بزيت الزيتون وتمسح فيها داخل اذنها بشكل عام وتكرر للاذن الثانيه.


8. خذها للبيطري يطعمها ويقص اضافرها واذا انت بالدمام راح ادلك على عيادة كويسه وتتربى بعزك وانصحك اذا رحت هناك في بودرة للقطط والكلاب قيمتها ب 25 ريال تقريبا تحط منها على جسم القطه تعطيها رائحه جميله . أنصحك تستخدمها مرة-مرتين بالاسبوع.

والله يوفقك ..

يعطيك العافيه يكفيني انك شاركت برآيك وعطيتني حلول الله يسعدك

الا على طاري الترويش ان شاء الله اليوم احسم الامر معآهآ

هيا كبيره شوي بس ماعليه مرووضها فتره كبيره ومآرآح تقآوم بقسوهـ

وبخصوص العدة افدتني كثير لاني كنت ماني عارف كيف وضعهآ مره فكيت عليها الدش وآنهبلت من الفجعه تبي تطلع بأي وسيله رحمتها ذاك اليوم ووهونت عنها

والبودرة ان شاء الله اذا تخطيت خطوة الترويش رآح ادللهآ اكثرر واكثرر بس اهم شيئ اسيطر ع النظآفه وعليهآ

هي قطوة شوآرع بس الفة عليه من فترة بعيده

بس انا بعد مستغرب من شيئ اليوم..جيت لها في السطح.. لقيتها تآكل حمامه ميته

عصبت بس خليتها تاكل لين خلصت ولاحظت انها تآخذ الجناح مافيه ولا شيئ ينوكل

قمت اخذت الجناح منها وعصبت استخدمت اسلوب البخ عليه

وبدت تفرز العدوآنيه عليه هههه بس ماعليه خليتها تعطيني قفاها ومسكتها مع راسها عشان ماتحركه وشلتها من تحت بطنها... وبدت افرك عليها وهي تحاول تقاوم بس مروضها

رحمتها هههههه واحطها وشيلها مره ثانيه وثالثه ورآبعه لين مليت.. وفلتها باشارع داري راح ترجع لي مالها غنى عني

يعطيكم العآفيه