[الدلع]

وعليكم السلام ورحمة الله وبركاته
حياك الله
أنصحك تحلّق بسك على الصفر لأنه ما ينفع التخفيف ما دام التساقط شديد ومسوي لكم حوسة بالبيت وما دمنا في الحر فهويه شوي ولا تخاف بيرجع الشعر ينبت مرة ثانية لكن لا تسويه في محل حيوانات اعمله في عيادة بيطرية متخصصة حتى ما ينصاب بسك بالفطريات وعلى دربك خذ من البيطري علاج للديدان إذا ما كنت عطيته
انتبه .. إذا قصيت الشعر المتكتل وكان كثير وفي أماكن متفرقة ممكن ما يعجبك شكل بسك وهذا الي حصل مع بستي
ابعد حاليا عن السمك واعطيه له لما تتحسن حالته فقط مرة في الاسبوع .
خلك في فترة الحلق مع الدراي كلين ولما يطلع الشعر حمم بسك بشمبو خفيف على الشعر مثل ( بيبي جونسون ) ومثل ما ذكرت مشرفتنا الله يحفظها لا تكثر تحميم للبس
إذا موجود عندكم دراي فود ( رويال كانين ) الخاص بالشعر والجلد فحلو لكن لا تشتري إلا كيس صغير كبداية وبعد ما يتحسن ممكن تستمر عليه وممكن تتركه على راحتك بس ابعد مثل ما ذكرت مشرفتنا عن النوعية الي فيها سمك .
احرص على تمشيط شعره يوميا بعد ما يتحسن حتى يروح الشعر الزايد وقل له ترى زوجته بتزعل عليه لو رفض
الله يحفظ لك البس وعائلته
تحياتي لك