|
اخيرا تحقق حلمي و شريتلي فرخ كاسكو
الحمدلله بعد تقري و تعني و خبره بسيطه متواضعه
شريتلي كاسكو فرخ عمره 6 شهور تقريبا
و فرحت وايد فيه بشكل ماتتوقعونه و وايد مهتم و بنظافته و تغذيته
( طلعتلي مصاريف جديده ههههههه )
عندي كذى سوال
طائر الببغاء هل ينقل عدوى للانسان
و راعي المحل قالي للحين اطعمه تغذيه نفس السيرلاك و شريتله قوطي بودر
بس اختلفت الاراء حول الكميه
السوال الاساسي و الاهم
كم مره باليوم ااكل الكاسكو و كل مره كم ملي بالابره و انا اعطيها حب مخلوظ لانه تتقبل اكثر من الحب العادي نوع واحد عشان يعتمد على نفسه
و تدريجيا ابعده عن التغذيه السيرلاك و مرات اعطيه قطعة تفاح و برتقال ماياكل من ايدي
بس اعلقها في القفص و اروح و لي رجعت اشوف ماكل من التفاح و البرتقال
و متى اوقف تغذية السيرلاك عن الكاسكو
و الافضل اخليه في مكان هادي معزول و لا اخليه في الغرفه عندي و اطفي الاضائه ولا بالاضائه
اسمحولي يا شباب اسئلتي يمكن سخيفه بس دافعين فلوس عليه هههههههههههه
و صار عزيز علي مع انه ماكمل اسبوع و حبيته و حبني
و في شي غريب مادري عادي ولا شي مميز
اليوم خليته في نص الغرفه على الاستاند و انا قاعد اتصفح في الكمبيوتر و طار و جالي
و جربت وقفته على الاستاند و جالي مره ثانيه و جربت اكثر من عشر مرات في اماكن مختلفه
و في الصاله و بعد ايجيني و صورت فيديو م الفرحه و شكرا و اذا عندكم نصايح سريعه
عطوني و ان شاء الله في ميزان حسناتكم يارب
|