[Love kasko]

السلام عليكم ورحمة الله وبركاته

شحالكم ان شاء الله الكل بخير وسهاله...

وربي اشتقت لكم اليوم بطوله ما دخلت المهم ندخل في موضوع الحلوين

توتو وتوته ما شاء الله وتبارك الرحمان خلاص يطيرون ومجننين مخي بالطيران ما غير ودهم يقضونها طيران وفوق ابعد مكان في الصاله او الغرفه وما يرضون ينزلون ياكلون الا لم اجيب الدرج واصعد لهم والحاله حاله معاهم اليوم نفذ صبري منهم ورحت البيطري الصراحه مو نفذ صبر كثر ماهو خوف عليهم الوجبه الوحيده فليل وشنو يبون بس الكورن فلكس اللي سبق نزلت صورته في موضوع من المواضيع
قالي لي صحتهم ماشاء الله عال العال ولو ما كات كذا ما بيقضونها طيران بيتعبون وما بتكون عيونهم براقه ماشاء الله يا حبي لهم بس ادري صجيتكم فيهم هههههه بس تحملوا دمي الثقيل والاسئله تقول

اول سؤال:: انا خليت البيطري يقص جنحانهم لاني اخاف يطلعون الحوش واخسرهم هل هذا بيضرهم؟؟

ثاني سؤال:: هل هذا المكان مناسب لهم؟؟





ثالث سؤال:: كيف اقدر اخليهم يجوني طيران ما اتعب وانا انادي عليهم بدون فايده؟؟

رابع سؤال:: هل في خطر لو خليتهم طوال اليوم برع بس فليل وقت النوم ادخلهم القفص؟؟

خامس سؤال:: ما يشربون ماي هالشي عادي ولا اغصبهم عليه؟؟

سادس سؤال:: لو حبيت اعطيهم شوية عسل عشانه مفيد بيضرهم؟؟

سابع سؤال:: هل في هالعمر اقدر القنهم واذا اقدر كيف الطريقه الصحيحه لذلك؟؟

ومشكورين حيييييييييييييييييييييييييييييل

وودي واحترامي للجميع

آختكم

قمر